ԵՄ-ին Թուրքիայի անդամակցության շուրջ բանակցությունները կասեցվել են27 հունիսի 2018 - 16:30 AMT PanARMENIAN.Net - ԵՄ-ին Թուրքիայի անդամակցության շուրջ բանակցությունները կասեցվել են: Այդ մասին ասվում է ԵՄ Խորհրդի ամփոփիչ հայտարարության մեջ, որը հրապարակվել է Լյուքսեմբուրգում: Բացի այդ, դադարեցվում է Անկարայի և Բրյուսելի մաքսային միության ամրապնդմանն ուղղված աշխատանքը, գրում է Deutsche Welle-ն: Հայտարարությունն արվել է Թուրքիայում նախագահ Ռեջեփ Թայիփ Էրդողանի ընտրություններում հաղթելուց 2 օր անց: Էրդողանը նախագահական ընտրություններում ստացել է ընտրողների քվեների 52,5 տոկոսը: Նրա մերձավոր մրցակից ընդդիմադիր Մուհարեմ Ինջեն ստացել է քվեների 31,5 տոկոսը: Արևմուտքը քննադատեց Թուրքիայում օրենքի գերակայությունից նահանջը, մարդու իրավունքների և ազատ կարծիք հայտնելու հետ կապված իրավիճակը, լրագրողների, իրավապաշտպանների ու գիտնականների հալածանքները: Չնայած Անկարայի հասցեին հնչած խիստ քննադատությանը և Թուրքիայի հետ ԵՄ-ին անդամակցելու շուրջ բանակցությունները պաշտոնապես խզելու մասին Ավստրիայի պահանջին, ԵՄ-ն չգնաց դրան: Ամփոփիչ եզրակացության մեջ տեղ գտավ միայն ձևակերպումը, որի համաձայն առաջընթաց կարող է արձանագրվել միայն այն դեպքում, եթե Թուրքիայի ղեկավարության քաղաքականությունը փոխվի: Փաստաթղթում նշվում է, որ բանակցությունները փակուղի են մտել: Անկարան դեռ կպահպանի անդամակցության թեկնածուի կարգավիճակը, մասնավորապես ԵՄ հետ փախստականների վերաբերյալ կնքած գործարքի պատճառով: Ըստ պայմանավորվածության, ԵՄ-ն արդեն 3 մլրդ եվրո է հատկացրել Թուրքիային խոստացած 6 մլրդ-ից: Սակայն 26 համաձայնեցված նախագծերից իրականացվել է կեսից պակասը, իսկ շատերը դեռ չեն էլ սկսվել: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Սենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր Հյուրերը շրջել են նաև Հայոց ցեղասպանության թանգարանում Թրյուդո․ Պետք է հիշենք և հարգենք Հայոց ցեղասպանության զոհերի հիշատակը Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիս Թուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբ Սերժ Սարգսյանը՝ ընդդիմության անհաջողության մասին․ Կան ոչ միասնական մոտեցումներ Նա նշել է նաև, որ կա արտաքին սատարում այս իշխանություններին |