// IP Marketing video - START// IP Marketing video - END

ՆԱՏՕ-ի գլխավոր քարտուղար. Վրաստանն ապագայում դաշինքի անդամ կդառնա

ՆԱՏՕ-ի գլխավոր քարտուղար. Վրաստանն ապագայում դաշինքի անդամ կդառնա

PanARMENIAN.Net - ՆԱՏՕ-ի գլխավոր քարտուղար Յենս Սթոլթենբերգը հայտարարել է, թե կարծում է ՝ Վրաստանն ապագայում կդառնա դաշինքի անդամ, հայտնում է ռուսաստանյան «ՌԻԱ Նովոստին»:

Նշվում է, որ հարցը հաստատվել է Բրյուսելում հուլիսի 11-13-ն անցկացվող դաշինքի գագաթնաժողովում, և կառույցը կշարունակի նախապատրաստական գործընթացն այդ ուղղությամբ:

«Մենք լիովին աջակցում ենք Վրաստանի եվրոատլանտյան ձգտումներին: Վրաստանը կդառնա ՆԱՏՕ-ի անդամ, մեր առաջնորդները հաստատել են դա, և մենք կշարունակենք աշխատել անդամակցությունը նախապատրաստելու համար»,- ասել է Սթոլթենբերգը՝ հիշեցնելով, որ դաշնակիցները համատեղ հայտարարությունում ճանաչել են Վրաստանի առաջընթացը բարեփոխումների իրականացման գործընթացում:

Հուլիսի11-ին Բրյուսելում բացվել է ՆԱՏՕ-ի գագաթնաժողովը, որին մասնակցում է նաև Հայաստանի վարչապետ Նիկոլ Փաշինյանի գլխավորած պատվիրակությունը:

 Ուշագրավ
2007-ին Իսրայելն ու Ադրբեջանը $1,6 մլրդ-ի զենքի պայմանագիր են կնքել
Սպասվում է, որ դրանք պաշտոնապես կներկայացվեն հունիսի 26-ին
Քննարկումը կայանալու էր հունիսի 12-ին, սակայն Իսրայելի օրենսդիր մարմինը տեղափոխեց քննարկումը