ՀՀ և Արցախի ՄԻՊ-երը հանդիպել են կաթողիկոսին 16 հուլիսի 2018 - 10:45 AMT PanARMENIAN.Net - ՀՀ մարդու իրավունքների պաշտպան Արման Թաթոյանը և Արցախի մարդու իրավունքների պաշտպան Ռուբեն Մելիքյանը հանդիպել են Ամենայն Հայոց կաթողիկոս Գարեգին Երկրորդի հետ: Այդ մասին իր ֆեյսբուքյան էջում գրել է Ռուբեն Մելիքյանը: «Երեկ Հայաստանի Մարդու իրավունքների պաշտպան Արման Թաթոյանի հետ այցելել ենք Մայր Աթոռ՝ հանդիպելու Գարեգին Բ Վեհափառին՝ կապված նախորդ օրը Գնդեվանքի մերձակայքում Ամենայն Հայոց Կաթողիկոսի նկատմամբ իրականացված ֆիզիկական ոտնձգության արտասովոր ու դատապարտելի փաստի հետ։ Հանդիպման ընթացքում քննարկվել է վերջին շրջանում Հայ Առաքելական Եկեղեցու շուրջ ստեղծված իրավիճակը», - ասվում է Մելիքյանի գրառման մեջ։ Ավելի վաղ Մելիքյանը գրել էր, որ Արցախի Հանրապետության քաղաքացիների բացարձակ մեծամասնությունը Հայ Առաքելական եկեղեցու դավանորդ են, ուստի ՀԱԵ նվիրապետի՝ Գարեգին Բ Ամենայն Հայոց կաթողիկոսի նկատմամբ ոտնձգությունը վերաբերելի է նաև Արցախի Հանրապետության քաղաքացիների բացարձակ մեծամասնության խղճի ու դավանանքի ազատությանը։ «Խստորեն դատապարտում եմ ոտնձգության փաստը և ողջունում եմ ՀՀ մարդու իրավունքների պաշտպան Արման Թաթոյանի արագ ու համարժեք արձագանքը»,-ասվում էր գրառման մեջ։ Հուլիսի 14-ին կաթողիկոսի հրաժարականը պահանջող «Նոր Հայաստան, նոր հայրապետ» նախաձեռնության անդամները շրջափակել էին Գարեգին Բ-ի մեքենան Վայոց Ձորում, ուր նա ուխտի էր մեկնել մեկնել Գնդեվանք: Գնդեվանքից վերադարձի ճանապարհը փակ է եղել մեքենաներով և քարերով, նախաձեռնության անդամները սպառալիքներ են հնչեցրել կաթողիկոսի հասցեին։ «Հայաստանյայց Առաքելական Սուրբ Եկեղեցու հոգևոր պետին վտանգ է սպառնում։ Սույն գործողությունները դատապարտելի են և այլևս պետք է պատժվեն օրենքի ողջ խստությամբ,», - գրել էր Էջմիածնի Տեղեկատվական համակարգի տնօրեն Վահրամ քահանա Մելիքյանը։ Հղումներ թեմայով.   Ուշագրավ Դրանց թվում նաև «Գազպրոմի» լցակայաններն են ՌԴ-ից Հայաստան իրականացվել է 79.000 ուզևորություն, ինչը 22 տոկոսով ավելի է, քան 2017-ի նույն շրջանում Նախարարան ասում է՝ սակագնի վերանայման հետ կապված ռիսկեր կան   Ամենաընթերցվողը բաժնում |  Վերջին լուրեր Վարչապետ․ Հեղափոխության հաղթանակը կանգնեցնել փորձողները կհայտնվեն «պատմության աղբանոցում» (վիդեո)  Նա նշել է, Թավշյա հեղափոխության հաղթարշավը այլընտրանք չունի:Սողոմոնյան. Փորձ է արվում լռեցնել ցանկացած կարծիք, որը դուրեկան չէ իշխանությանը Քոչարյանի ասուլիսը տապալվել էԱԳՆ. Իրանի հետ հարաբերությունները ՀՀ-ի համար կենսական են ԱՄՆ-ն վերականգնել է Իրանի դեմ խոշոր ֆինանսական պատժամիջոցներըՌոբերտ Քոչարյանի մեքենան հեռացել է շենքի մոտից, որտեղ պետք է կայանար ասուլիսը «Պրիվետ, Ռոբ» ակցիայի մասնակիցները ներխուժել են շենք և տապալել ասուլիսը |
