ԵԱՀԿ Մինսկի խումբը «լավ արդյունքներ» է ակնկալում Հայաստանի եւ Ադրբեջանի ԱԳՆ ղեկավարներից

PanARMENIAN.Net - «Հայաստանի եւ Ադրբեջանի ԱԳՆ ղեկավարների հանդիպումը ճանաչողական բնույթ կկրի, այնուամենայնիվ, մենք նրանից լավ արդյունքներ ենք ակնկալում»,-հայտարարել է ԵԱՀԿ ՄԽ ֆրանսիացի համանախագահ Բերնար Ֆասյեն: Նրա խոսքերով, Է.Մամեդյարովի եւ Է.Նալբանդյանի հանդիպումը Եվրոպայի Խորհրդի Նախարարների կոմիտեի 118-րդ ընդլայնված նիստի շեմին ցույց կտա, թե որքանով են կողմերը պատրաստ շարունակել աշխատանքը: «Մենք տեսնում ենք բանակցային գործընթացում աշխատանքը շարունակելու ցանկություն երկու կողմի մոտ»:



Բերնար Ֆասյեն հաղորդել է նաեւ, որ որեւէ արմատական առաջարկ համանախագահները չեն պատրաստվում ներկայացնել: «Սակայն, մենք կքննարկենք ԵԱՀԿ ՄԽ այցի հարցը տարածաշրջան, ինչպես նաեւ Ադրբեջանի եւ Հայաստանի նախագահների հանդիպման հնարավորությունը»: Միջնորդն ընդգծել է, որ կա այդ հանդիպման մի քանի տարբերակ: Այդպես, հանդիպումը կարող է տեղի ունենալ 12-րդ Միջազգային էներգետիկ համաժողովի շրջանակներում, որ կայանալու է հունիսի 6-8 Սանքտ Պետերբուրգում, հաղորդում է ադրբեջանական ԱՊԱ-ն:
 Ուշագրավ
Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական
Կավելացվեն ծախսերը նաև հատուկ նշանակության նախագծերի ֆինանսավորման համար
---