Apple-ը հերքել է՝ չի ձայնագրում օգտատերի ձայնն առանց նրա իմացության 8 օգոստոսի 2018 - 12:41 AMT PanARMENIAN.Net - iPhone սմարթֆոնները չեն ձայնագրում օգտատերերի ձայներն առանց վերջիններիս իմացության, ընկերությունը նաև թույլ չի տալիս դա անել կողմնակի հավելվածներին: Այդ մասին ասվում է կորպորացիայի ղեկավարության հայտարարության մեջ: Apple-ն այդ նամակով պատասխանել է ԱՄՆ Կոնգրեսի Ներկայացուցիչների պալատի էներգետիկայի և առևտրի կոմիտեի անդամների հարցմանն ի պատասխան: Նրանք պահանջել էին բացատրություններ տալ այն հաղորդագրությունների վերաբերյալ, թե իրենց սարքերն իբր ձայնագրում են օգտատերերի ձայներն առանց վերջիններիս իմացության, գրում է «Վեդոմոստին» Reuters-ի վրա հղումով: Կոնգրեսականների մտավախությունները կապված են Siri ձայնային օգնականի հետ: Այն միացնելու համար, օգտատերը պետք է ասի. «Ողջույն, Siri»: Ըստ օգտատերերի, Apple-ի սմարթֆոնները, այդ արտահայտությանը սպասելիս, կարող են լսել, ձայնագրել և պահպանել օգտատերերի մյուս խոսքերը ևս: Պարբերականը նշում է, որ կոնգրեսականներին հասցեագրված նամակում ընկերությունը հերքել է այդ պնդումները՝ նշելով, ոև iPhone սմարթֆոնները չեն ձայնագրում օգտատերերի ձայները: Ընկերությունը նշել է, որ Siri-ն չի փոխանցում երրորդ կողմին ձայնային հրահանգները: Ընկերությունը հիշեցրել է նաև, որ ձայնային օգնականի ծառայություններից օգտվելու համար օգտատերը նախապես պետք է որ համաձայնություն տված լինի, որ Siri-ին հասանելի լինի բարձրախոսը: Ապրիլին կոնգրեսականների այդ հարցին պատասխանել է Facebook սոցցանցի հիմնադիր Մարկ Ցուկերբերգը: Նա ասել է, որ սոցցանցն օգտագործում է բարձրախոսները բացառապես տեսանյութի նկարահանման ժամանակ և չի ձայնագրում օգտատերերի խոսակցությունները, երբ նրանք միացած չեն ցանցին: Կոնգրեսականներն էլ հետաքրքրվել են, թե ինչպես է ստացվում, որ երբեմն օգտատերերն իրար մեջ ինչ-որ թեմա են քննարկում, իսկ հետո սոցցանցից գովազդ են ստանում այդ թեմայով: Ըստ Ցուկերբերգի, դա ուղղակի զուգադիպություն է: Ուշագրավ Այդ մասին նա գրել է ֆեյսբուքյան իր էջում Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի Ամենաընթերցվողը բաժնում | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը |