// IP Marketing video - START// IP Marketing video - END

Նախագիծ. Գյուղատնտեսության մեջ ԳՁՕ-ների կիրառումը կարգելվի

Նախագիծ. Գյուղատնտեսության մեջ  ԳՁՕ-ների կիրառումը կարգելվի

PanARMENIAN.Net - Հայաստանի գյուղատնտեսության բնագավառում կարգելվի գենետիկորեն ձևափոխված օրգանիզմների (ԳՁՕ) գործածությունը մասնավորապես` ԳՁՕ պարունակող մշակաբույսերի մշակությունը, արտադրությունը և անասնապահության վարումը: Համապատասխան օրենքի նախագիծը տեղադրված է իրավական ակտերի հրապարակման միասնական կայքում:

ԳՁՕ-ների ապօրինի գործածությունը առաջացում է պատասխանատվություն՝ օրենքով սահմանված կարգով։

«Գենետիկորեն ձևափոխված օրգանիզմների գործածության և կենսաանվտանգության մասին» օրենքի նախագծի նպատակն է Հայաստանում կանոնակարգել ԳՁՕ-ների գործածությունը և ապահովել կենսաանվտանգությունը՝ բացառելով դրանց հնարավոր անբարենպաստ ազդեցությունը շրջակա միջավայրի, կենսաբազմազանության, գյուղատնտեսական նշանակության հողերի, բուսական ու կենդանական ծագման մթերքի անվտանգության վրա:

Նախագիծը ենթադրում է ԳՁՕ-ների գործածության կենսաանվտանգության հնարավոր բացասական ազդեցությունից շրջակա միջավայրի, կենսաբազմազանության գյուղատնտեսական նշանակության հողերի, բուսական ու կենդանական ծագման մթերքի որակի և անվտանության պաշտպանության ու մոնիթորինգային պետական ծրագրերի մշակում:

Գենետիկորեն ձևափոխված օրգանիզմներում գենետիկական նյութը (ԴՆԹ) փոխվել է ոչ բնական ճանապարհով՝եկոմբինացիայի միջոցով:

 Ուշագրավ
Եվս 6 անձի նկատմամբ որպես խափանման միջոց ընտրվել է ստորագրություն՝ չհեռանալու մասին
Ավելի վաղ հաջողվել էր հանգցնել Ծիծեռնակաբերդի անտառում բռնկված հրդեհը
Ուղղաթիռից ճանապարհի երթևեկությանն էին հետևում ՃՈ պետ Եգոր Կարապետյանն ու նրա տեղակալ Նորիկ Սարգսյանը
Նա հավելել է, որ հարցը հանրային քննարկման փուլում է