Եթե Ասադը քիմզենք կիրառի Իդլիբում, ԱՄՆ պատասխանը ռազմական կլինի 8 սեպտեմբերի 2018 - 15:41 AMT PanARMENIAN.Net - ԱՄՆ բանակը պատասխան տարբերակներ է մշակում այն դեպքի համար, եթե Սիրիայի նախագահ Բաշար Ասադը որոշի քիմիական զենք կիրառել Իդլիբ գավառի վրա գրոհի ժամանակ: Այդ հարցը քննարկվում է Սպիտակ տան հետ: Այդ մասին լրագրողներին է հայտնել ԱՄՆ ԶՈւ շտաբերի միացյալ կոմիտեի ղեկավար Ջոզեֆ Դանֆորդը Նյու Դելիում: Գեներալը նշել է, որ Ասադի քիմիական գրոհի դեպքում ԱՄՆ հետագա գործողությունների վերաբերյալ որոշում դեռ չի կայացվել: «Բայց մենք բանակցում ենք նախագահ Թրամփի հետ՝ համոզվելու համար, որ նա գիտի, թե որ փուլում են մեր պլանները, եթե քիմիական զենք կիրառվի», - ասել է Դանֆորդը, գրում է Deutsche Welle-ն: Նա հայտարարել է, թե զարմացած չէ, որ սեպտեմբերի 8-ին ՌԴ-ն, Իրանը և Թուրքիան Թեհրանում կայացած գագաթնաժողովում չկարողացան պայմանավորվել Իդլիբում սիրիական զորքերի առաջիկա հարձակման միասնական գնահատականի հարցում: Մասնավորապես, Թուրքիայի նախագահ Ռեջեփ Թայիփ Էրդողանը, հավանաբար, պայքարում էր ամփոփիչ հայտարարության տեքստում հրադադարի մասին դրույթ ընդգրկելու համար, իսկ ՌԴ նախագահ Վլադիմիր Պուտինը և Իրանի նախագահ Հասան Ռոուհանին պնդում էին, որ ահաբեկիչների դեմ ռազմական գործողությունները շարունակվեն: Իդլիբը վերջին գավառն է, որի զգալի մասը դեռ վերահսկում են տարբեր իսլամիստական խմբավորումներ և Սիրիայի զինյալ ընդդիմությունը: ՌԴ-ն ու Իրանը սատարում են Սիրիայի նախագահին, որը գրոհ է պատրաստում Իդլիբի ուղղությամբ: Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Մինչև 10% քեշբեք GetTransfer-ից՝ IDBank-ի քարտերով Քեշբեքի չափը կախված է IDBank-ի քարտից G7-ի երկրները կոչ են արել Բաքվին կատարել հումանիտար իրավունքի իր պարտավորությունները Նրանք նաև կոչ են արել Երևանին և Բաքվին հավատարիմ մնալ խաղաղ գործընթացին ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասին Լավրով․ ՀՀ-ն դեռ ինքը չի կարող որոշել ՀԱՊԿ պատասխանատվության գոտին իր տարածքում Նա ասել է, որ պետք է «նշել Հայաստանի սահմանները, ավարտել սահմանազատումը» |