// IP Marketing video - START// IP Marketing video - END

«Իմ քայլի» քարոզարշավի ժամանակ բնակիչն ասել է՝ ԲՀԿ-ն փոստով ընտրակաշառք է բաժանում

«Իմ քայլի» քարոզարշավի ժամանակ բնակիչն ասել է՝ ԲՀԿ-ն փոստով ընտրակաշառք է բաժանում

PanARMENIAN.Net - Երևանի Էրեբունի վարչական շրջանում «Իմ քայլը» դաշինքի նախընտրական քարոզարշավի ընթացքում Արցախի փողոցի 10բ շենքի բնակիչ Ռուզաննա Գրիգորյանը հայտարարել է, որ «Բարգավաճ Հայաստան» կուսակցությունը փոստատարների միջոցով ընտրակաշառք է բաժանել վարչական շրջանում, գրում է «Հայկական ժամանակը»:

«Իմ քայլը» դաշինքի ավագանու թեկնածուների ցուցակը գլխավորող Հայկ Մարությանին մոտեցած բնակչուհին տեղեկացրել է , որ «այս պահին նա գտնվում է ամենակաշառվող թաղամասում»։

«Ես այսօր եմ իմացել, որ այստեղ կաշառք է բաժանում «Բարգավաճ Հայաստան», մեր տուն չեն մտել, բայց փոստատարները մտնում են մարդկանց տուն ու կաշառք են տալիս։ Այնպիսի մարդկանց տուն են մտնում, ովքեր թոշակ չեն ստանում»,- ասել է նա:

Հայկ Մարությանը ասել է քաղաքացուն, որ իրավապահներն անհրաժեշտության դեպքում գործին ընթացք կտան։

 Ուշագրավ
Այսպիսով, ԵՄ Խորհրդում նախագահող Բուլղարիայի Հանրապետությունը, դարձել է ԵՄ-ի անդամ երկրներից առաջիններից մեկը, որը վավերացրել է այս համաձայնագիրը
Դավիթ Տոնոյանը նախագահի հրամանագրով նշանակվել է պաշտպանության նախարար
ՔՊ խոսնակ Տիգրան Ավինյանը փոխվարչապետ է նշանակվել