// IP Marketing video - START// IP Marketing video - END

Վարչապետը՝ Վանեցյան-Խաչատրյան հեռախոսազրույցի մասին. Տեղի է ունեցել գաղտնալսում

Վարչապետը՝ Վանեցյան-Խաչատրյան հեռախոսազրույցի մասին. Տեղի է ունեցել գաղտնալսում

PanARMENIAN.Net - ՀՀ վարչապետ Նիկոլ Փաշինյանը ֆեյսբուքյան ուղիղ եթերում ասել է, որ ԱԱԾ տնօրեն Արթուր Վանեցյանին և Հատուկ քննչական ծառայության պետ Սասուն Խաչատրյանին գաղտնալսել են:

Նա ասել է, որ ամբողջությամբ տիրապետում է Մարտի 1-ի իրադարձությունների մանրամասներին և դրան հաջորդած զարգացումներին:

«Բայց այսօր, ձեր թույլտվությամբ, այդ մանարամսներին չեմ անդրադառնալու: ԱԱԾ տնօրենը կանի ասուլիս և կպարզաբանի ամեն ինչ լրագրողներին: Ըստ էության տեղի է ունեցել գաղտնալսում, ով է արել այդ գաղտնալսումը, ով է արել, ինչ նպատակով, արդյոք օրենքով նա ուներ այդ իրավունքը», - ասել է նա:

Փաշինյանը ևս մեկ անգամ նշել է, որ Մարտի 1-ի մարդասպանները փորձում են ճողոպրել:

«Տասը մարդ գնդակահարածները, երևանցիների պատուհաններին կրակածները, օլիգարխների թիկնապահներին զինածները, սահմանից զինվորին Երևան բերածները պատասխանտվության են ենթարկվելու»,- ասել է վարչապետը:

Փաշինյանն ասում է, որ սոցիալական ցանցերում կեղծ էջեր են բացել, լրատվամիջոցներ են գնել՝ Հեղափոխությունն ու իր ընտանիքի հեղինակությունը փորձում են արատավորել: Ըստ նրա, եթե երկրում կա քաղաքական հետապնդում, ապա ինչպես էՄարտի 1-ի գործով մեղադրյալ ՀՀ երկրորդ նախագահ Ռոբերտ Քոչարյանն ազատության մեջ, կամ ինչպես է նա լրատվամիջոցներ գնում:

 Ուշագրավ
Եվս 6 անձի նկատմամբ որպես խափանման միջոց ընտրվել է ստորագրություն՝ չհեռանալու մասին
Ավելի վաղ հաջողվել էր հանգցնել Ծիծեռնակաբերդի անտառում բռնկված հրդեհը
Ուղղաթիռից ճանապարհի երթևեկությանն էին հետևում ՃՈ պետ Եգոր Կարապետյանն ու նրա տեղակալ Նորիկ Սարգսյանը
Նա հավելել է, որ հարցը հանրային քննարկման փուլում է