Պուտինն ու Էրդողանը պայմանավորվել են. Իդլիբում ապառազմականացված գոտի կստեղծվի18 սեպտեմբերի 2018 - 11:45 AMT PanARMENIAN.Net - Ռուսաստանն ու Թուրքիան պայմանավորվել են Սիրիայի հյուսիս-արևմուտքում՝ Իդլիբում 15-20 կմ լայնությամբ ապառազմականացված գոտի ստեղծել կառավարական զորքերի և զինյալ ընդդիմության շփման գծում: Այդ մասին հայտարարվել է սեպտեմբերի 17-ին ՌԴ նախագահ Վլադիմիր Պուտինի և Թուրքիայի նախագահ Ռեջեփ Թայիփ Էրդողանի Սոչիում կայացած հանդիպումից հետո: Բուֆերային գոտին, որը կգործի հոկտեմբերի 15-ից, պարեկելու են թուրքական ստորաբաժանումներն ու ՌԴ ռազմական ոստիկանությունը: Մինչև հոկտեմբերի 10-ն այնտեղից պետք է դուրս բերվեն բոլոր ծանր զինատեսակներն ու գրոհայինները, այդ թվում «Ջաբհաթ ան Նուսրայի» ահաբեկիչները, գրում է Deutsche Welle-ն: «Սիրիայի ընդդիմության ջոկատները կմնան Իդլիբի իրենց դիրքերում: Թուրքիան կհասնի նրան, որ ընդդիմությունը չգործի այն շրջաններում, որտեղ ծայրահեղական խմբեր կան»,-հավաստիացրել է Էրդողանը: Ըստ նրա, պայմանավորվածությունների արդյունքում հաջողվել է կանխել հումանիտար ճգնաժամը տարածաշրջանում: ՌԴ պաշտպանության նախարար Սերգեյ Շոյգուն, մեկնաբանելով բանակցությունների արդյունքները, հայտնել է լրագրողներին, որ Իդլիբում ռազմական գործողություն չի իրականացվելու: Էրդողան-Պուտին հանդիպման ավարտին ՌԴ ՊՆ ղեկավար Սերգեյ Շոյգուն և Թուրքիայի պաշտպանության նախարար Հուլուսի Աքարը հուշագիր են ստորագրել ապառազմականացված գոտում կայունացման մասին: Առաջիկա ժամերին այն համաձայնեցվելու է Սիրիայի կառավարության հետ: Ավելի վաղ Էրդողանը ռազմատեխնիկայի մեծ խմբաքանակ էր ուղարկել սիրիական Իդլիբ: Դա տեղի է ունեցել Թուրքիայի նախագահ Էրդողանի և ՌԴ նախագահ Վլադիմիր Պուտինի հանդիպման նախօրեին: Սեպտեմբերի 17-ին կայացել է Պուտին-Էրդողան հանդիպումը Սոչիում, որտեղ քննարկվել է իրավիճակն Իդլիբում: Իդլիբն այժմ Սիրիայի վերջին խոշոր շրջանն է, որը վերահսկվում է զինյալ ընդդիմության կողմից: Ըստ Մոսկվայի և Դամասկոսի, այնտեղ են նաև տարբեր ահաբեկչական խմբավորումների բազմաթիվ գրոհայիններ: Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Կայծակը հարվածել է Աբու Դաբի-Երևան չվերթի օդանավին՝ ճաքել է պատուհաններից մեկը Օդանավում խուճապ է սկսվել, սակայն օդաչուների պրոֆեսիոնալիզմի շնորհիվ հաջողվել է անվնաս վայրէջք կատարել Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում GRECO-ն ՀՀ-ին կոչ է արել ավելի ուժեղ վերահսկողություն սահմանել բարձրագույն գործադիր գործառույթների նկատմամբ Իշխանությունները GRECO-ին պետք է ներկայացնեն զեկույցում առկա 22 առաջարկությունների վերաբերյալ իրենց կատարողականը Սենատոր Փիթերս․ Ադրբեջանն էթնիկ զտում է իրականացրել Նա գլխավորում է Հայաստանի պաշտպանության ակտի՝ S.3000 բանաձևի միաձայն ընդունման նախաձեռնությունը |