Պուտին. ՌԴ-ՀՀ գործընկերության ընդլայնումը երկու ժողովրդի շահերից է բխում

Պուտին. ՌԴ-ՀՀ գործընկերության ընդլայնումը երկու ժողովրդի շահերից է բխում

PanARMENIAN.Net - Ռուս-հայկական գործընկերային կապերի ողջ համալիրի ընդլայնումը համապատասխանում է երկու եղբայրական ժողովուրդների հիմնարար շահերին: Այդ մասին ասվում է Ռուսաստանի Դաշնության նախագահ Վլադիմիր Պուտինի շնորհավորական ուղերձում, որը նա Հայաստանի Հանրապետության Անկախության տոնի առթիվ հղել է Հանրապետության նախագահ Արմեն Սարգսյանին:

Ուղերձում, մասնավորապես, ասվում է.«Ի սրտե շնորհավորում եմ Ձեզ՝ Հայաստանի Հանրապետության Անկախության օրվա կապակցությամբ: Գոհունակությամբ արձանագրում եմ մեր երկու երկրների հարաբերությունների բարեկամական, դաշնակցային բնույթը, առևտրատնտեսական, գիտատեխնիկական, հումանիտար և մյուս ոլորտներում երկկողմ համագործակցության բարձր մակարդակը»:

ՌԴ նախագահը նաև համոզված է, որ ռուս-հայկական գործընկերային կապերի ընդլայնումն ընթանում է տարածաշրջանում կայունության և անվտանգության ապահովման հունով:

«Անկեղծորեն մաղթում եմ Ձեզ քաջառողջություն և հաջողություններ, իսկ Հայաստանի քաղաքացիներին՝ խաղաղություն ու բարօրություն»,-ասվում է ուղերձում, հայտնումէ նախագահի մամուլի ծառայությունը:

Հայաստանի Հանրապետության անկախության 27-րդ տարեդարձի առթիվ Հանրապետության նախագահ Արմեն Սարգսյանը շնորհավորական ուղերձներ է ստացել նաև Չինաստանի նախագահ Սի Ծինփինից, Շվեյցարիայի նախագահ Ալեն Բերսենից, Ղազախստանի նախագահ Նուրսուլթան Նազարբաևից:

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---