// IP Marketing video - START// IP Marketing video - END

ՀՀ-ն և Մոնղոլիան դիվանագիտական անձնագիր ունեցողների համար վերացրել են վիզային ռեժիմը

ՀՀ-ն և Մոնղոլիան  դիվանագիտական անձնագիր  ունեցողների  համար վերացրել են  վիզային ռեժիմը

PanARMENIAN.Net - Սեպտեմբերի 28-ին ՄԱԿ-ի Գլխավոր ասամբլեայի 73-րդ նստաշրջանի աշխատանքներին մասնակցող Հայաստանի արտաքին գործերի նախարար Զոհրաբ Մնացականյանը հանդիպել է իր մոնղոլ գործընկերոջ՝ Դամդին Ցոգթբաաթարի հետ, որի ընթացքում ստորագրվել է «Հայաստանի Հանրապետության և Մոնղոլիայի Ժողովրդական Հանրապետության միջև դիվանագիտական և ծառայողական անձնագրեր ունեցող անձանց համար մուտքի արտոնագրի վերացման մասին համաձայնագիրը», հայտում է ՀՀ ԱԳՆ մամուլի ծառայությունը:

Զրուցակիցները քննարկել են երկկողմ հարաբերությունների զարգացմանն առնչվող մի շարք հարցեր:

Ներկայացնելով Հայաստանի զարգացման օրակարգի շարժիչ ուժ համարվող նորարարության և տեղեկատվական տեխնոլոգիաների ոլորտում Հայաստանի ձեռքբերումները՝ նախարար Մնացականյանը կարևորելէ տվյալ ուղղություններով գործակցությունը և համատեղ ծրագրերի իրականացումը:

Հատուկ անդրադարձ է կատարվել առտևրատնտեսական հարաբերությունների զարգացման ուղիներին:

Կողմերը վստահություն են հայտնել, որ համաձայնագիրը ճանապարհ է բացում մուտքի արտոնագրային ռեժիմի ազատականացման համար, ինչը լավ խթան կհանդիսանա հասարակությունների միջև շփումներ ակտիվացնելու համար:

 Ուշագրավ
Այցը տեղի կունենա ՀՀ Անվտանգության խորհրդի քարտուղար Արմեն Գրիգորյանի հրավերով
Նշվում է, որ խաղաղ կարգավորման վերաբերյալ Հայաստանի դիրքորոշումը մնում է անփոփոխ
«Նրա կյանքը միշտ տոկունության խորհրդանիշ կլինի մեզ համար»,-ասել է պրոֆեսոր Դեմիրճյանը
Ըստ Ամերիկայի Հայ դատի հանձնախմբի, The HALO Trust ծրագիրն անհամար թվով կյանքեր է փրկել