Բյուջե 2019․ Մեքենաների և գործուղումների ծախսերը կնվազեն, պաշտոնյաների թիվը՝ ոչ 1 հոկտեմբերի 2018 - 15:40 AMT PanARMENIAN.Net - 2019 թվականի պետական բյուջեի նախագծով ՀՀ օրենսդիր, գործադիր և դատական իշխանությունների պահպանման ծախսերը կնվազեն մոտ 2%-ով` 2018-ի 95.5 մլրդ դրամից գալիք տարվա համար հասնելով 93.7 մլրդ դրամի: Նախագծով նախատեսվում է կրճատել ծառայողական մեքենաների թիվը 68-ով` 902-ից հասնելով 834-ի։ Կրճատվելու են նաև մեքենաների պահպանման ծախսերը` 1.113 մլրդ դրամից 964.2 մլն դրամ։ Կառավարությունը 8%-ով կրճատում է նաև ներկայացուցչական ծախսերը՝ 815 մլն դրամից 668 մլն դրամի դրանք հասցնելով։ Ավելի քան 14%-ով կրճատվելու են արտասահմանյան գործուղումների ծախսերը` 2018-ին հատկացված 1.8 մլրդ դրամի դիմաց 2019-ին դրանք կհասնեն մոտ 1.5 մլրդ դրամի։ Հատկանշական է, որ չնայած կառավարությունը բազմիցս հայտարարել է պետապարատի օպտիմալացման անհրաժեշտության մասին, սակայն 2019-ի բյուջեով օրենսդիր, գործադիր ու դատական մարմինների աշխատողների ընդհանուր թիվը չի նվազի։ 2019-ին կփակվի միջազգային ինտեգրման ու բարեփոխումների նախարարությունը, ինչի հետևանքով կկրճատվի 31 հաստիք: Կկրճատվի նաև քաղծառայության խորհուրդը (-77 հաստիք), 20-25-հոգանոց կտճատումներ են լինելու նախագահի, վարչապետի աշխատակազմերում ու ֆիննախում, 54 հոգով կնվազի քաղշինության, տեխնիկական և հրդեհային անվտանգության տեսչական մարմնի կազմը, փոխարենը՝ 55 հոգի կներգրավվի ստեղծվելիք Անտառային կոմիտեում, ևս 130-ը՝ պետական վերահսկողական ծառայությունում։ Այս ու այլ ավելի փոքր փոփոխությունների արդյունքում պետական իշխանության մարմիններում (չհաշված ՏԻՄ-երը) աշխատողների թիվը 17,644-ից կավելանա մինչև 17,665-ի։ Գալիք տարվա բյուջեով ավելի քան 46%-ով կրճատվել են նաև պարգևատրումներին, դրամական խրախուսումներին և հատուկ վճարներին հատկացվող գումարները` 2018-ի 3.5 մլրդ դրամից 2019-ին համար հասնելով 1.9 մլրդ դրամի: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Կիրակոսյանը՝ Հաագայում․ ՄԱԿ ԱԽ-ն ու Եվրոպական դատարանը երբևէ չեն վճռել, որ ՀՀ-ն օկուպացրել է ԼՂ-ն Նա ներկայացրել է առարկություններն Ադրբեջանի ներկայացրած պահանջների նկատմամբ Ապրիլի 28–ին մայրաքաղաքում փակ փողոցներ կլինեն․ «Երևանի մարաթոնն» է Նախատեսվում է, որ միջոցառմանը կմասնակցի մոտ 2000 վազորդ Հայաստան-Չեխիա ռազմատեխնիկական գործակցության մասով պայմանավորվածություններ կան ՊՆ էին այցելել չեխական ռազմարդյունաբերական ընկերությունների ներկայացուցիչներ Ըստ ԱԺԲ–ի՝ իրենց անդամներին բռնության են ենթարկել․ 96 բերման ենթարկված կա Նա ասել է, որ որ ոստիկանության բաժանմունքներում իրենց անդամները «ծեծի են ենթարկվել», կան տուժածներ |