Փաշինյանը հրաժարական է տվել16 հոկտեմբերի 2018 - 20:01 AMT PanARMENIAN.Net - ՀՀ վարչապետ Նիկոլ Փաշինյանը հրաժարական է տվել։ Նա ուղիղ եթերում իր ուղերձում նշել է, որ հրաժարականի նպատակը Թավշյա հեղափոխությունն ավարտին հասցնելն է։ «Այս հրաժարականի նպատակը ձեր առաջ ստանձնած պատասխանատվությունից փախչելը չէ, այլ ընդհակառակը՝ մեր միասին իրականացրած Թավշյա հեղափոխությունն ավարտին հասցնելն է ԱԺ արտահերթ ընտրությունների միջոցով և ամբողջ իշխանությունը ժողովրդին վերադարձնելու միջոցով», - ասել է Փաշինյանը։ Ըստ Փաշինյանի ծրագրի երկու անգամ անընդմեջ խորհրդարանը չի ընտրի վարչապետ, որից հետո կլուծարվի օրենքի ուժով։ Դեկտեմբերին կանցկացվեն ԱԺ արտահերթ ընտրություններ: «Այս ընթացքում կառավարության անդամները և ես կատարելու ենք մեր պարտականությունները, և եթե դեկտեմբերին կայանալիք ընտրություններում վստահության քվե տաք իմ քաղաքական ուժին, ապա ես դարձյալ կընտրվեմ վարչապետի պաշտոնում», - ասել է Փաշինյանը։ Անդրադառնալով այլ թեկնածու առաջադրելու վտանգին, Փաշինյանն ասել է, որ խորհրդարանական ուժերը ցույց են տվել՝ երկրի անվտանգությունն ու կայունությունն այն «կարմիր գիծն են», որը չեն անցնի՝ հատկապես, որ բոլոր ուժերը հրապարակավ հայտարարել են, որ չեն պատրաստվում թեկնածու առաջադրել։ «Նաև ուզում եմ ԱԺ նախկին մեծամասնության ներկայացուցիչներին ասել, որ մենք, այո, քննադատել ենք ձեզ, բայց սա չի նշանակում, որ մենք թշնամիներ ենք փնտրում։ Հայաստանում, հայության շրջանում թշնամիներ չեմ ունեցել, չունեմ և չեմ ունենա», - ասել է վարչապետը։ Ավելի վաղ, «Հանրապետական» խմբակցության և այն վերջերս լքած մոտ քսան պատգամավոր հայտարարեց, որ կողմ են ԱԺ լուծարմանը և դեկտեմբերի արտահերթ ընտրություններին: Իսկ ԱԺ «Ծառուկյան» խմբակցությունն էլ հուշագիր ստորագրեց Փաշինյանի հետ, որով պարտավորվում են չառաջադրել վարչապետի թեկնածու և չաջակցել որևէ այլ ուժի առաջադրած վարչապետի թեկնածուին: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը Հնդկաստանի ԱԳՆ–ն՝ Բաքվին․ Խթանում ենք ռազմարդյունաբերական արտադրանքի արտահանումը Նա նշել է, որ իր երկիրը լավ հարաբերություններ ունի և Ադրբեջանի, և ՀՀ հետ |