ԼԳԲՏ քարոզչության դեմ պայքարողները երթով կտեղեկացնեն հանրությանը ԼԳԲՏ ֆորումի մասին 5 նոյեմբերի 2018 - 12:50 AMT PanARMENIAN.Net - Նոյեմբերի 6-ին Ազատության հրապարակում «Հանուն ազգային արժեքների» նախաձեռնությունը կիրականացնի հանրային հավաք` ընդդեմ ԼԳԲՏ միջազգային ֆորումի անցկացման և Հայաստանում այլասերվածության քարոզչության: Կազմակերպիչները նշում են, որ հավաքի նպատակն է ժողովրդի ձայնը լսելի դարձնել և ներկայացնել արատավոր երևույթի հետ կապված վտանգները: Նոյեմբերի 15-18-ը Հայաստանում կանցկացվի Արևելյան Եվրոպայի և Կենտրոնական Ասիայի երկրների ԼԳԲՏ «քրիստոնյաների» համաժողովը: Հավաքը կուղեկցվի ազգային երգերի ու պարերի կատարումներով, ելույթ կունենան նախաձեռնության անդամները, խնդրով մտահոգված անձիք: Հավաքի ավարտին տեղի կունենա երթ, որի ընթացքում մասնակիցները ցուցապաստառներով և կրոնական խորհրդանիշներով կքայլեն դեպի Մաշտոցի պողոտա-Մատենադարան, ապա` Ֆրանսիայի հրապարակից դեպի Բաղրամյան 26: Հավաքի և երթի կազմակերպիչների հայտարարության մեջ ասվում է, որ «ՀՀ ազգային-հոգևոր և ավանդական ընտանեկան արժեքների դեմ իրականացվող գործընթացները մտել են վճռորոշ փուլ՝ վերածվելով այլևս ազգային սպառնալիքի»։ «Կոչ ենք անում բոլոր հպարտ և արժանապատիվ քաղաքացիներին միանալ «Հանուն ազգային արժեքների» նախաձեռնությանը՝ պահպանելու և պաշտպանելու ազգային նկարագիրն ու ինքնությունը, բարոյականությունը և արժանապատվությունը հանուն հայ ազգի ու մեր Սուրբ Հայրենիքի հարատևության»,-ասվում է հայտարարության մեջ։ Հավաքը կմեկնարկի 14:00-ին Ազատության հրապարակում, որտեղ ստորագրահավաք կանցկացվի` նոյեմբերի 15-18-ը Հայաստանում Արևելյան Եվրոպայի և Կենտրոնական Ասիայի երկրների ԼԳԲՏ «քրիստոնյաների» ֆորումի չեղարկման և անչափահասների շրջանում սեռական բնույթի քարոզչությունն արգելող օրինագծի ընդունման պահանջով: 15:00- 16:30-ը ազգային երգերի ու պարերի կատարումներ կլինեն, 16:30-17:30՝ հանրահավաք, իսկ 17:30-ին Ազատության հրապարակից կմեկնարկի երթը: Ուշագրավ Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները Ամենաընթերցվողը բաժնում | Փաշինյան․ Ռուսական հենակետերը դուրս կբերվեն Տավուշից Խոսելով հայ սահմանապահների տեղակայման ժամկետների մասին` նա շեշտել է, որ այդ գործընթացը պետք է հնարավորինս արագ անել Վարչապետ․ Որոշումը նվազեցնելու է անվտանգային ռիսկը Բաղանիս-Կիրանց-Ոսկեպար հատվածում և ՀՀ սահմանի ամբողջ երկայնքով Նա ընդգծել, որ իհարկե, սա ձեռքբերում է Ադրբեջանի համար, բայց սա նաև էական ձեռքբերում է նաև ՀՀ համար Տավուշցիները կրկին բողոքի են դուրս եկել Նրանք ընդգծել են, որ իրենց բոլորովին այլ կերպ են ներկայացրել իրավիճակը Փաշինյան. Առաջին անգամ Հայաստանը և Ադրբեջանը սեղանի շուրջ հարց են լուծել, պետք է գնահատենք «Շատ կարևոր է արձանագրել»,–ասել է նա |