ID քարտը որպես կուտակային օգտագործելը պարտադիր չի լինի 7 նոյեմբերի 2018 - 16:46 AMT PanARMENIAN.Net - ՀՀ ԿԱ պետական եկամուտների կոմիտեի նախագահ Դավիթ Անանյանը լրագրողների հետ զրույցում հայտարարել է, որ Հարկային օրենսգրքում փոփոխություններով 2020 թվականից կուտակային դարձող ID քարտի կիրառությունը գնումների ընթացքում պարտադիր չի լինի։ «Քաղաքացին ինքը կորոշի՝ որևէ գնում կատարելիս տրամադրել քարտը, թե՝ ոչ։ Եթե անձը չի ցանկանա որևէ գնում կատարելիս նույնականացվել, ապա թող չտրամադրի քարտը», - ասել է Անանյանը՝ անդրադառնալով հանրության շրջանում այն մտահոգությանը, թե հնարավոր է՝ նոր համակարգի ներդրմամբ ոտնահարվի մարդկանց անձնական կյանքի անձեռնմխելիության իրավունքը։ Նա հավելել է, որ յուրքանչյուր տարվա ավարտից հետո հարկային մարմինը կհաշվարկի քաղաքացու գնումները, և կատարած գնումներին համապատսախան տոկոս կվերդարձնի նրան։ «Եթե քաղաքացին իր անվան դիմաց չի ունենա գնումներ, տոկոսադրույքի վերադարձ չի լինի, ընտրությունը քաղաքացունն է», - ասել է Անանյանը։ Հարկային օրենսգրքում փոփոխություններով, ID քարտերը (հանրային ծառայությունների համարանիշ) կուտակային կդառնան. տարեկան կտրվածքով կատարված առևտրից քարտատիրոջը տոկոս կվերադարձվի (cashback):   Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը   |  Վերջին լուրեր Վարչապետ․Եթե Տավուշում տների հետ կապված խնդիր լինի, պետությունը տեր կկանգնի՝ նոր տներ կկառուցի  Վարչապետի խոսքով՝ խնդիրները, որ տեղ-տեղ ծագում են հայկական կողմի համար, հնարավոր է, որ ծագեն նաև Ադրբեջանի համարՓաշինյան․ Ռուսական հենակետերը դուրս կբերվեն Տավուշից Խոսելով հայ սահմանապահների տեղակայման ժամկետների մասին` նա շեշտել է, որ այդ գործընթացը պետք է հնարավորինս արագ անելՎարչապետ․ Որոշումը նվազեցնելու է անվտանգային ռիսկը Բաղանիս-Կիրանց-Ոսկեպար հատվածում և ՀՀ սահմանի ամբողջ երկայնքով Նա ընդգծել, որ իհարկե, սա ձեռքբերում է Ադրբեջանի համար, բայց սա նաև էական ձեռքբերում է նաև ՀՀ համար |
