Վրացի բժիշկը որոնում է երկրաշարժի ժամանակ վիրահատած Լիլի անունով աղջկան

Վրացի բժիշկը որոնում է երկրաշարժի ժամանակ վիրահատած Լիլի անունով աղջկան

PanARMENIAN.Net - Վրացի բժիշկ Թեյմուրազ Գոգիձեն որոնում է 1988թ. երկրաշարժի ժամանակ վիրահատած Լիլի անունով աղջկան: Նա այդ մասին հայտնել է Վրաստանում ՀՀ դեսպան Ռուբեն Սադոյանի հետ հանդիպմանը, որը Սպիտակի ավերիչ երկրաշարժի 30-րդ տարելիցի կապակցությամբ նրան է հանձնել դեսպանության շնորհակալագիրը:

Բժիշկ Գոգիձեն Սպիտակի երկրաշարժից անմիջապես հետո Թբիլիսիում վիրահատել է տասնյակ վիրավորների։

Դեսպան Սադոյանը ամբողջ հայ ժողովրդի անունից ի դեմս բժիշկ Գոգիձեի, շնորհակալություն է հայտնել եղբայրական վրացի ժողովրդին՝ հայ ժաղովրդի համար այդ դժվարին ժամանակահատվածում ցուցաբերած անգնահատելի օգնության համար։ Նա ավելացրել է, որ այդ օգնությունը երբեք չի մոռացվի և մշտապես կհիշվի երախտագիտությամբ, հայտնում է Վրաստանում ՀՀ դեսպանատունը:

Բժիշկ Գոգիձեն նշել է, որ սարսափով է հիշում այդ օրերը, քանի որ վիրավորների նման քանակ երբևէ չէր տեսել։ Նրա խոսքով՝ իր մոտ շատ լավ տպավորվել է Լիլի անունով փոքրիկ երեխայի ծանր վիրահատությունը, որի հետ կապը վիրահատությունից հետո կտրվել է և հույս հայտնել, որ այս շնորհակալագրի հանձնման արարողության լուսաբանումը հնարավորություն կտա, որ Լիլին գտնի իրեն բուժած բժշկին։

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---