Բողոքի ցույց Գյումրիում՝ ՌԴ ռազմակայանի մոտ12 հունվարի 2019 - 15:51 AMT PanARMENIAN.Net - Հունվարի 12-ին, Ավետիսյաններիընտանիքի սպանության 4-րդ տարելիցի օրը, Գյումրու ռուսական զորամասերից մեկի մոտ տեղի է ունեցել բողոքի ակցիա: Ակցիայի մասնակիցները հայտարարել են, որ հանրահավաքը յուրօրիանակ բողոք է ռուսական ռազմաբազայի զինծառայողների կողմից շարունակական հանցագործությունների ու ամենաթողութան դեմ, հայտնում է Panorama.am-ը։ Ցուցարարները բողոքի ակցիային ներկայացել էին «Բազա, ձեր գազաններին պահեք վանդակներում, մենք պատասխանատու չենք» հայերեն և ռուսերեն գրությամբ պաստառներով: Հավաքվածները պահանջագրեր են ներկայացրել ինչպես ՀՀ, այնպես էլ՝ Ռուսաստանի Դաշնության իշխանություններին: Ժուռնալիստների «Ասպարեզ» ակումբի ղեկավար Լևոն Բարսեղյանը հիշեցրել է, որ պահանջագրեր ներկայացվել էին դեռևս 4 տարի առաջ՝ Ավետիսյանների ընտանիքի սպանության դեպքից անմիջապես հետո: Ակցիայի մասնակիցները նաև հիշեցրել են 2018-ի տարեվերջին՝ դեկտեմբերի 2-ին, ռուսական 102-րդ ռազմաբազայի մեկ այլ զինծառայողի կողմից Գյումրիում իրականացված մեկ այլ սպանության մասին, երբ զինծառայողի ծեծի հետևանքով մահացել էր գյումրեցի 57-ամյա բնակչուհի Ջուլիետա Ղուկասյանը: 2015-ի հունվարի 12-ին Գյումրիում հայտնաբերվեցին Ավետիսյանների ընտանիքի 6 անդամի դիերը: Ընտանիքի մյուս երեխան՝ 6-ամսական Սերյոժա Ավետիսյանը, ծանր մարմնական վնասվածքներով տեղափոխվել էր հիվանդանոց, որտեղ վիրահատվեց։ Չնայած բժիշկների ջանքերին, երեխային փրկել չհաջողվեց, փոքրիկը մահացավ հունվարի 19-ին: Հայ-թուրքական սահմանը հատելու փորձի ժամանակ հայտնաբերված կասկածյալ Վալերի Պերմյակովին մեղադրանք առաջադրվեց, նա ընդունեց իր կատարած հանցանքը:Շիրակի մարզի ընդհանուր իրավասության դատարանի դատավոր Հարություն Մովսեսյանը 2016-ի օգոստոսի 23-ի նիստում մեղավոր է ճանաչել Պերմյակովին և որոշում է կայացրել նրան դատապարտել ցմահ ազատազրկման։Պերմյակովն արտահանձնվել է: Ռուսական ռազմակայանի զինծառայող Ա. Ռ-ն մեղադրվում է Գյումրիում 57-ամյա Ջուլիետա Ղուկասյանին 2018-ի դեկտեմբերին ծեծելով սպանելու մեջ, նա պահվում է ռազմաբազայի տարածքում: Հիվանդանոց տեղափոխելու ճանապարհին կինը մահացել է։ Կինն աշխատում էր Գյումրու քաղաքապետարանում որպես փողոցի հավաքարար։ Նա լուսաբացին դուրս էր եկել աշխատանքի։ Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը Հնդկաստանի ԱԳՆ–ն՝ Բաքվին․ Խթանում ենք ռազմարդյունաբերական արտադրանքի արտահանումը Նա նշել է, որ իր երկիրը լավ հարաբերություններ ունի և Ադրբեջանի, և ՀՀ հետ |