«Պատանի ռենջերները» ցուցահանդես՝ մետրոպոլիտենի «Երիտասարդական» կայարանում 17 հունվարի 2019 - 17:57 AMT PanARMENIAN.Net - Մետրոպոլիտենի «Երիտասարդական» կայարանում բացվել է «Պատանի ռենջերները» խորագրով ցուցահանդեսը։ Կազմակերպիչներն են «WWF-Հայաստան»-ը, «Արփա» պահպանվող լանդշաֆտը և «Այբ» դպրոցը, աջակից՝ «Կարեն Դեմիրճյանի անվան Երևանի մետրոպոլիտեն» ՓԲԸ։ Ցուցահանդեսը կազմակերպվել է «Պատանի ռենջերների ծրագիր» կրթական նախաձեռնության շրջանակում։ Հայաստանում այս ծրագիրն իրականացվում է 2017-ից վերոնշյալ երեք կառույցների կողմից։ Ծրագրի ընթացքում «Այբ» դպրոցի և «Արփա» պահպանվող լանդշաֆտի հարակից Արենի ու Խաչիկ բնակավայրերի դպրոցների սաներն իրականացրել են վայրի բնության դաշտային հետազոտություններ ու քննարկումներ՝ մտքեր փոխանակելով պահպանվող տարածքի բնապահպանական խնդիրների և դրանց լուծումների շուրջ, նշագրել էկոտուրիստական արահետներ, տեղադրել տեղեկատվական ցուցանակներ, իրականացրել սեմինարներ համայնքների դպրոցներում բնապահպանական խնդիրների վերաբերյալ և այլն։ Բացի դրանից, «Այբ» դպրոցի սաները Վայոց ձորի իրենց հասակակից ընկերների համար կազմակերպել են դասեր՝ ներկայացնելով բնապահպանական խնդիրների լուծման հնարավոր տարբերակներ։ Ցուցահանդեսում ներկայացված լուսանկարների մեծ մասի հեղինակը «Այբ» դպրոցի սաներն են։ Դրանք ներկայացնում են ծրագրի առավել հետաքրքրական պահերը, ինչպես նաև «Արփա» պահպանվող լանդշաֆտի բնաշխարհը և պատմամշակութային վայրերը: Պատանի ռենջերների ծրագիրը միջազգային նախագիծ է, որը նախաձեռնվել է EUROPARC ֆեդերացիայի կողմից 2002 թ․-ին՝ երիտասարդներին էկոլոգիական կրթության հիման վրա միավորելու նպատակով: Ծրագիրը գործում է ԵՄ-ի 19 երկրների 80 պահպանվող տարածքներում՝ մի շարք բնապահպանական միջոցառումների միջոցով միավորելով շուրջ 5000 մասնակցի: «Այբ» դպրոցը բացվել է 2011 թվականին «Այբ» կրթական հիմնադրամի կողմից՝ կրթության գաղափարի շուրջ միավորված հարյուրավոր բարերարների ֆինանսական աջակցությամբ: «Այբ» ավագ դպրոցը ոչ պետական ոլորտում առաջին սոցիալական ծրագիրն է Հայաստանում, և աշակերտների մոտ 70%-ն ամեն տարի ստանում է կրթաթոշակ (ուսման վարձի փոխհատուցում): «Այբ» դպրոցը 12-ամյա է՝ տարրական (1-4-րդ դասարաններ), միջին (5-9-րդ դասարաններ) և ավագ (10-12-րդ դասարաններ) բաղադրիչներով:   Ուշագրավ Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները   Ամենաընթերցվողը բաժնում |  Վերջին լուրեր Մարուքյան. Համոզում էին, որ եթե ռուս խաղաղապահը դուրս գա ԼՂ-ից, սկանդինավյանը կգա՝ սպասում ենք  «Այս ամենն ասողները թո՛ղ դուրս գան ու պահանջեն, որ սկանդինավյան խաղաղապահները գան Արցախ»,–գրել է նաՎարչապետ․ Տավուշի համայնքներից մարդիկ կներգրավվեն սահմանազատման աշխատանքային խմբում Փաշինյանի խոսքով` այժմ մեր լարվածությունն ավելի շատ Կիրանց և Բերքաբեր համայնքների հետ է կապվածՀՀ և Սաուդյան Արաբիայի ԱԳ նախարարներն ընդգծել են պարբերական ուղիղ չվերթերի կարևորությունը Միրզոյանը գործընկերոջ ուշադրությանն է ներկայացրել «Խաղաղության խաչմերուկ» ծրագիրըՓաշինյան․ Մեր մտածածն էն ա, որ ասեք՝ «վայ, ինչ լավ ա, որ 50 մետր էն կողմ Ադրբեջանն ա» Վարչապետը նաև վստահեցրել է, որ եթե այս քայլերը չարվեն, երաշխավորում է, որ մեր տարածաշրջանում նոր պայթյուն է լինելու |
