Վենեսուելան 300 տոննա հումանիտար օգնություն կստանա ՌԴ-ից

19 փետրվարի 2019 - 13:20 AMT

PanARMENIAN.Net - Վենեսուելան 300 տոննա հումանիտար օգնություն կստանա Ռուսաստանից: Այդ մասին իր հեռուստաուղերձում հայտարարել է Վենեսուելայի նախագահ Նիկոլաս Մադուրոն: Նա ասել է, որ մարդասիրական բեռները, այդ թվում պարենն ու դեղորայքը, երկիր կհասնեն արդեն փետրվարի 20-ին:

Ըստ Մադուրոյի, կառավարությունը Կարակասում «արժանապատվորեն վճարել է» այդ առաքումների համար: Ապրանքները կառաքվեն Վենեսուելա «օրինական ճանապարհով»՝ նշելով, որ հումանիտար օգնությունը տրամադրվել է Ռուսաստանի, Չինաստանի, Թուրքիայի, այլ երկրների, ինչպես նաև ՄԱԿ-ի կողմից, գրում է Deutsche Welle-ն:

Միաժամանակ Մադուրոn կրկին խստորեն քննադատել է հումանիտար օգնության առաքումներն ԱՄՆ-ից՝ Վենեսուելայի ինքնահռչակ ժամանակավոր նախագահ Խուան Գուաիդոյի խնդրանքով, դա «շոու» անվանելով: Վենեսուելայի նախագահը կտրականապես դեմ է ամերիկյան օգնության ներմուծմանը երկիր՝ վախենալով, որ Վաշինգտոնը կօգտագործի այդ առաքումները որպես քողարկում զինված ներխուժման համար:

Զանգվածային ակցիաները Վենեսուելայում սկսվել են հունվարի 21-ին: Ըստ ոչ կառավարական կազմակերպությունների, այս ընթացքում երկրում ձերբակալվել է 791 մարդ, զոհվել է 29-ը: Բողոքի ակցիաների ֆոնին երկրի ընդդիմադիր խորհրդարանի նախագահ Խուան Գուաիդոն, ԱՄՆ աջակցուևթյամբ, իրեն է հռչակել երկրի նախագահ:

ԱՄՆ-ն և Լատինական Ամերիկայի երկրների մեծ մասը ճանաչել է նրան որպես օրինական ղեկավար: Կատարվող իրադարձությունները հակասահմանադրական է համարում Ռուսաստանը: Մադուրոյին աջակցություն է հայտնել Թուրքիայի նախագահ Էրդողանը:

Մադուրոն մտադիր չէ հեռանալ Վենեսուելայինախագահի պաշտոնից: Նա հավելել է նաև, որ երբեք չի հրաժարվի իր հայրենիքի առջև ստանձնած պարտավորություններից: Մինչդեռ Վենեսուելայում շարունակվում են զանգվածային բողոքները՝ ինչպես Մադուրոյի կողմնակիցների, այնպես էլ հակառակորդների, ընդ որում վերջիններիս քանակը շարունակ աճում:

Հղումներ թեմայով.

Deutsche Welle: Мадуро ожидает 300 тонн гуманитарной помощи из России