// IP Marketing video - START// IP Marketing video - END

Ալիևի որդին $35 մլն արժողությամբ տուն ունի Ռուբլյովկայում

Ալիևի որդին $35 մլն արժողությամբ տուն ունի Ռուբլյովկայում

PanARMENIAN.Net - Ադրբեջանի նախագահ Իլհամ Ալիևի որդին՝ Հեյդարը, հողակտոր և տուն ունի մերձմոսկովյան հայտնի Ռուբլյովկայում: Այդ մասին հայտնում է «Պրոեկտ» պարբերականը «Ռոսռեեստրի» տվյալների վրա հղումով:

Հեյդար Ալիևն առանձնատան սեփականատերն է դարձել 9 տարեկանում: Ըստ «Ռոսռեեստրի», տունը նրան է նվիրել Ադրբեջանի նախագահի աներ Արիֆ Փաշաևը գնումից մեկ տարի անց:

»Մեյենդորֆի այգիներ» ավանում գտնվող հողակտորի մակերեսը գերազանցում է 7 000 քմ, իսկ առանձնատան մակերեսը՝ 1.6 հազար քմ է: «Պրոեկտը» բնակմակերեսի արժեքը գնահատել է մոտ 35 միլիոն դոլար: Հարևանությամբ են գտնվում ՌԴ նախագահի և վարչապետի նստավայրերը:

Նույն հատվածում է գտնվում նաև Ալիևի ավագ դստեր՝ Լեյլայի տունը:

Արիֆ Փաշաևի զարմիկ Ջամալը ղեկավարում է Pasha Holding –ը՝ մի կորպորացիա, որը միավորում է Ադրբեջանի նախագահական ընտանիքի բազմաթիվ ակտիվները: Այն, որ Pasha Holding-ի հետևում Ադրբեջանի նախագահի դուստրեր Լեյլա և Արզու Ալիևաներներն են, հայտնի է դառնում Kapital bank-ի տարեկան զեկույցից: Pasha Holding-ն իր ակտիվների գումարը գնահատում է $4 մլրդ: Ալիևների և Փաշաևների կլաններն անշարժ գույք ունեն նաև աշխարհի տարբեր երկրներում:

Ըստ Transparency International-ի, Ադրբեջանը 152-րդն է 180 երկրից կոռուպցիայի ընկալման վարկանիշում:

 Ուշագրավ
Ընդհանուր առմամբ 19 մարդ է տուժել, որից 4 վիճակը գնահատվում է ծանր
Պատճառը, ինչպես հայտարարել է կառավարությունը, հարձակումներն են մահմեդականների վրա