Մխիթարյանը՝ գոլի հեղինակ. «Արսենալը» կշարունակի պայքարն ԱՊԼ-ում

Մխիթարյանը՝ գոլի հեղինակ. «Արսենալը» կշարունակի պայքարն ԱՊԼ-ում

PanARMENIAN.Net - Լոնդոնի «Արսենալը» հաղթել է «Սաութհեմփթոնին» անգլիական Պրեմիեր լիգայի 27-րդ տուրում:

Հայաստանի հավաքականի և լոնդոնյան ակումբի կիսապաշտպան Հենրիխ Մխիթարյանը գոլի հեղինակ է դարձել խաղի 17-րդ րոպեին: 6-րդ րոպեին աչքի է ընկել Ալեքսանդր Լյաքազետը, որին գոլային փոխանցում կատարողը նույնպես Մխիթարյանն է եղել:

Պրեմիեր լիգայի 27-րդ տուրի «Արսենալ» – «Սաութհեմփթոն» խաղում «Էմիրեյթս» մարզադաշտի գովազդային վահանակներին հայտնվեց Հայոց եռագույնը։

Հանդիպումն ավարտվել է 2:0 հաշվով:

Խաղից հետո Մխիթարյանը հայտարարել է. «Մենք գերազանց գործակցեցինք հարձակման գծում, բայց, այնուամենայնիվ, պետք է ավելի շատ գոլեր խփենք, քան այս 2 գնդակը: Մենք շատ կարևոր 3 միավոր վաստակեցինք: «Արսենալը» կշարունակի պայքարն ԱՊԼ մրցավազքում»:

Հաղթանակից հետո «Արսենալը» բարելավեց իդ իրքը մրցաշարային աղյուսակում՝ հավաքելով 53 միավոր: «Սաութհեմփթոնը» 24 միավորով մնաց 18-րդ հորիզոնականում: Հաջորդ հանդիպումն ակումբը կանցկացնի «Բորնմուտի» հետ:

 Ուշագրավ
Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը
Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը
Հավանայում կայացել է Ծանրամարտի միջազգային ֆեդերացիայի նիստը
---