Վրաստանի քաղաքացիներն ապաստան չեն ստանա ԵՄ-ում 6 մարտի 2019 - 17:33 AMT PanARMENIAN.Net - ԵՄ ընդլայնման և բարիդրացիության քաղաքականության հարցերի հանձնակատար Յոհաննես Հանը Բրյուսելում Վրաստանի և ԵՄ միջև Ասոցացման խորհրդի հերթական նիստում հիշեցրել է, որ վտանգավոր է չարաշահել մուտքի արտոնագրերի ռեժիմի ազատականացումը և ընդգծել է, որ Վրաստանը ԵՄ-ում համարվում է անվտանգ երկիր: 2017-ի մարտից Վրաստանի քաղաքացիները իրավունք ունեն առանց մուտքի արտոնագրի մեկնել ԵՄ երկրներ: Սակայն, ընթացքը ցույց տվեց, որ վրացիներից շատերն օգտվում են այդ իրավունքից Եվրոպայում ապօրինի հաստատվելու համար: «Վիզաների ռեժիմի ազատականացումից հետո ԵՄ երկրներ հարյուր հազարավոր մարդիկ են ներգաղթեել և միայն մի քանի հազարն է ապաստան ստանալու հայտ ներկայացրել»,-ասել է Հանը, գրում է Deutsche Welle-ն: «Ուզում եմ կոչ անել ԶԼՄ-ների ներկայացուցիչներին՝ հայտնել բնակչությանը, որ Վրաստանի քաղաքացիները չեն կարողանա ապաստան ստանալ Եվրոպայում, քանի որ Վրաստանն անվտանգ երկիր է»,-ասել է նա: Եվրահանձնաժողովը դեռ մի քանի տարի առաջ ԵՄ համար անվտանգ երկրների միասնական ցանկ էր առաջարկել ստեղծել, սակայն, այսօրվա դրությամբ նման ցուցակ ունի ԵՄ միայն 12 երկիր: Անվտանգ են համարվում այն երկրները, որոնց բնակիչներին չի սպառնում զանգվածային քաղաքական հետապնդում, անմարդկային կամ ստորացուցիչ պատիժ կամ վերաբերմունք: Ուշագրավ Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ | Ըստ ՌԴ ԱԳՆ–ի՝ ԵՄ հետ առանց վիզայի ռեժիմը բացասաբար կազդի ՀՀ անվտանգության վրա Նշվել է, որ դա կնպաստի հեռանկար ունեցող երիտասարդների արտահոսքին Women in Business of Armenia կոնֆերանս՝ Visa-ի և EBRD-ի կազմակերպմամբ Պանելային քննարկմանը մասնակցել է նաև Evoca-ի Վարչության նախագահի տեղակալ Տաթևիկ Խաչատրյանը Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին Նա TED Talks ձևաչափով խոսել է «Նոր ղեկավարման ոճ: Թվային փոխակերպում» թեմայի շուրջ Ստանո․ Բլինքեն-Փաշինյան -Ֆոն դեր Լայեն հանդիպումը նվիրված չի լինելու «անվտանգության երաշխիքներին» ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու |