// IP Marketing video - START// IP Marketing video - END

Իոաննիսյան. Խաղաղ ցուցարարների հանդեպ ուժայինների բռնության լուրերը մտահոգիչ են

Իոաննիսյան. Խաղաղ ցուցարարների հանդեպ ուժայինների բռնության լուրերը մտահոգիչ են

PanARMENIAN.Net - «Իրազեկ քաղաքացիների միավորում» հասարակական կազմակերպության համակարգող Դանիել Իոաննիսյանն իր ֆեյսբուքյան էջում գրել է, որ խիստ մտահոգիչ են խաղաղ ցուցարարների նկատմամբ ոստիկանների բռնության մասին արժանահավատ ահազանգերը։

«Օպերայի սրճարաները պետք է հանվեն, բայց՝

1) Խիստ մտահոգիչ են խաղաղ ցուցարարների նկատմամբ ոստիկանների բռնության մասին արժանահավատ ահազանգերը: Մենք 2015-ին երկու շաբաթով փակել էինք Բաղրամյանը և նույն իրավունքը պետք է ունենան սրճարանատերերը, եթե նույնքան մարդ հավաքեն:

2) Պետական և տեղական իշխանությունը պետք է առավել կանխատեսելի լինի բիզնեսի համար: Այդ սրճարանների ղեկավարները պետք է շատ ավելի շուտ ծանուցվեին, որպեսզի ողջամիտ ժամանակ ունենային իրենց բիզնեսը վերակազմակերպելու համար»,-գրևել է Իոաննիսյանը։

Նշվում է նաև, որԱզատության հրապարակի հավաքի վայրում աշխատած «Իրազեկ քաղաքացիների միավորման» թիմը հայտնում է, որ թեև հավաքի մասնակիցների մեծ մասը դրսևորել է խաղաղ և օրինապահ պահվածք, սակայն դրա որոշ առանձին մասնակիցներ գործադրել են բռնություն և հրապարակայնորեն հայհոյել են:

«Խոսել եմ ոստիկանապետ Վալերի Օսիպյանի և հայտնել մտահոգությունս խուլիգանության բաղադրիչներ պարունակող արարքների մասով: Համարում եմ, որ անհրաժեշտ է ստուգել բռնության դիմած և հրապարակոյներեն հայհոյող անձանց արարքներում հանցակազմի առկայությունը՝ ՔՕ 258 (խուլիգանության) հոդվածի հատկանիշներով»,-ասվում է գրառման մեջ:

«Իրազեկ քաղաքացիների միավորման» փաստերի ստուգման հարթակը «հետքննում է հայտնի քաղաքական ուժերից մեկի ներգրավվածությունըհավաքին»:

«Արդյունքները, հավանաբար, կհրապարակվեն վաղը:Հավաքի մասնակիցների թիվը այնքան քիչ էր, որ որոշվեց այս անգամ քանակ չհաշվել: Առավելևս, որ դժվար էր տարանջատել ցուցարարներին թամաշա անողներից:

Եվ նորից. մենք պատրաստ ենք պաշտպանել խաղաղ ցուցարարների իրավունքները, ինչպես արել ենք նախկինում՝ անկախ ցուցարարների պահանջների նկատմամբ մեր վերաբերմունքից: Բայց ցուցարարները պետք է լինեն բացառապես խաղաղ»,-նշվում է գրառման մեջ:

 Ուշագրավ
Արդեն իսկ տրամադրվել է 14,231 վարկ՝ 4.258 մլրդ դրամ ընդհանուր ծավալով
ԱԱԾ-ն պատրաստակամ է ապահովելու Էլվին Արիֆ օղլու Իբրահիմովի շփումը վերջինիս ընտանիքի անդամների հետ
Նա հաջողություն է մաղթել քաղաքապետարանին Օպերայի հակարից տարածքների բարեկարգման ընթացքում
Նախագիծը շրջանառության մեջ է դրվել ՀՀ արդարադատության նախարարության կողմից