Վենեսուելայի ընդդիմադիր առաջնորդին արգելել են 15 տարի պետական պաշտոն զբաղեցնել29 մարտի 2019 - 15:28 AMT PanARMENIAN.Net - Վենեսուելայի Գլխավոր վերահսկիչ վարչության ղեկավար Էլվիս Ամորոսոն իր հրամանով ազատել է Ազգային ժողովի նախագահ Խուան Գաուիդոյին զբաղեցրած պաշտոնից: Նա հավելել է, որ ընդդիմադիր առաջնորդին արգելվում է առաջիկա 15 տարում պետական պաշտոն զբաղեցնել: Ավելի վաղ Գուադիդոն իրեն Վենեսուելայի ժամանակավոր նախագահ էր հռչակել: Ամորոսոն կարծում է, որ Գուաիդոն «ստանձնել է պետական պարտավորություններ, որոնց իրավունքը չուներ, և, գործելով օտարերկրյա կառավարությունների հետ, վնաս է հասցրել Վենեսուեալայի ժողովրդին: Բացի այդ, ըստ Ամորոսոյի, նա ներքաշված է նաև կոռուպցիոն գործունեության մեջ: Գուաիդոն իր հերթին կասկածներ է հայտնել Ամորոսոյի լիազորությունների օրինականության վերաբերյալ, գրում է Deutsche Welle-ն: Ըստ նրա, Ազգային ժողովը միակ ատյանն է, որը կարող է նշանակել Գլխավոր վերահսկիչ վարչության ղեկավար: Ըստ Գուաիդոյի, Ամորոսոյի հրամանագիրն ուժ չունի: Նա խոստացել է նաև շարունակել պայքարը Մադուրոյի դեմ երկրի փողոցներում: Նա հայտարարել է, որ ապրիլի 6-ին Վենեսուելայում կմեկնարկի «Ազատություն գործողությունը», որի նպատակն է Մադուրոյի պաշտոնանկությունը: Զանգվածային ակցիաները Վենեսուելայում սկսվել են հունվարի 21-ին: Ըստ ոչ կառավարական կազմակերպությունների, այս ընթացքում երկրում ձերբակալվել է 791 մարդ, զոհվել է 29-ը: Բողոքի ակցիաների ֆոնին երկրի ընդդիմադիր խորհրդարանի նախագահ Խուան Գուաիդոն, ԱՄՆ աջակցուևթյամբ, իրեն է հռչակել երկրի նախագահ: ԱՄՆ-ն և Լատինական Ամերիկայի երկրների մեծ մասը ճանաչել է նրան որպես օրինական ղեկավար: Կատարվող իրադարձությունները հակասահմանադրական է համարում Ռուսաստանը: Մադուրոյին աջակցություն է հայտնել Թուրքիայի նախագահ Էրդողանը:Մադուրոն մտադիր չէ հեռանալ Վենեսուելայինախագահի պաշտոնից: Ուշագրավ Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ | Ըստ ՌԴ ԱԳՆ–ի՝ ԵՄ հետ առանց վիզայի ռեժիմը բացասաբար կազդի ՀՀ անվտանգության վրա Նշվել է, որ դա կնպաստի հեռանկար ունեցող երիտասարդների արտահոսքին Women in Business of Armenia կոնֆերանս՝ Visa-ի և EBRD-ի կազմակերպմամբ Պանելային քննարկմանը մասնակցել է նաև Evoca-ի Վարչության նախագահի տեղակալ Տաթևիկ Խաչատրյանը Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին Նա TED Talks ձևաչափով խոսել է «Նոր ղեկավարման ոճ: Թվային փոխակերպում» թեմայի շուրջ Ստանո․ Բլինքեն-Փաշինյան -Ֆոն դեր Լայեն հանդիպումը նվիրված չի լինելու «անվտանգության երաշխիքներին» ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու |