Փաշինյան. 22 տարեկանում պետք է ունենալ բարձրագույն կրթություն, 3 տարվա ստաժ և 3 լեզու իմանալ 22 ապրիլի 2019 - 17:07 AMT PanARMENIAN.Net - Վարչապետ Նիկոլ Փաշինյանը ԵՊՀ տնտեսագիտության ֆակուլտետում անդրադարձել է աշխատաշուկայի պահանջներին և այդ սպասումներին մասնագետների որակական անհամապատասխանությանը: «Օգտատերերից մեկը գրել էր՝ 22 տարեկան եմ, ուզում եմ աշխատել, բայց ինձնից պահանջում են բարձրագույն կրթություն, երեք տարվա աշխատանքային ստաժ և երեք օտար լեզուների իմացություն»,- նշել է վարչապետը՝ հավելելով, որ օգտատերը դա համարում էր աբսուրդ: «Առաջին հայացքից կարող է թվալ, որ իսկականից աբսուրդ է, բայց եթե նայում ենք ժամանակակից չափանիշների տրամաբանությունից, մեր խնդիրը պետք է հենց դա լինի, որ Հայաստանի Հանրապետության միջին վիճակագրական քաղաքացին կամ առնվազն քաղաքացիների մի մասը, կամ առնվազն իգական սեռի ներկայացուցիչները, որոնք ժամկետային զինվորական ծառայություն չեն անցնում, 22 տարեկանում, այո՛, պետք է ունենա բարձրագույն կրթություն, 3 լեզու պետք է իմանա և 3 տարվա մասնագիտական ստաժ ունենա»,- ասել է նա, գրում է «Հայկական ժամանակը»: Վարչապետը կարծիք է հայտնել, որ մենք անընդհատ ուզում ենք աշխատանքային չափանիշները հարմարեցնել մեզ, և ոչ թե մեզնից յուրաքանչյուրը փորձում է հարմարվել աշխատաշուկայում գոյություն ունեցող պահանջարկին: «Եվ այս առումով կարևոր է հասկանալ՝ երբ ասում ենք մագիստրոս, մենք ինչ նկատի ունենք, այդ մագիստրոսին ինչի համար ենք պատրաստում, հետագայում նա ինչ է անելու»,- հարց է առաջ քաշեց Նիկոլ Փաշինյանը՝ անդրադառնալով նաև այն խնդրին, որ բուհական համակարգում դիմորդներին առաջարկվող մասնագիտություններն ընտրվում են ավանդույթի ուժով: «Հետո երբ տալիս ենք բարձրագույն կրթության դիպլոմ, մենք չենք երաշխավորում, որ նա այդ որակավորմանը համապաատսխանող մասնագետ է: Մենք շատ բան թողնում ենք անհատի վրա, թե ինչքանով նա դա կլրացնի ինքնակրթությամբ»,- ասել է վարչապետը: Նա նաև կարևորել է այն վստահությունը, որ բարձրագույն կրթություն ստացող մարդը պետք է իմանա՝ իր կրթությունն իրեն հնարավորություն է տալու գտնել աշխատանք և ապահովել բարեկեցության գոնե նվազագույն մակարդակ: «Հակառակ դեպքում ինչ նպատակի է ծառայում մեր բարձրագույն կրթությունը»,- նկատել է Նիկոլ Փաշինյանը:   Ուշագրավ Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար   Ամենաընթերցվողը բաժնում |  Վերջին լուրեր Ալիև․ Մոսկվան ու Բաքուն ևս մեկ մեծ նախագիծ են սկսում Հյուսիս-Հարավի շրջանակում  Նա նշել է, որ Ադրբեջանի տարածքում կա երկաթգիծ, որը կապում է ադրբեջանա-ռուսական սահմանը Ադրբեջանի և Իրանի սահմանի հետՆոյեմբերյանի ղեկավար կազմը հայտարարել է՝ չի աջակցում սահմանազատման գործընթացին Նշվում է, որ նրանք աջակցում ենք խաղաղության հաստատմանը, սակայն այս գործընթացը փաստացի ՀՀ կողմից միակողմանի զիջում էՓաշինյան․ Մենք գնում ենք Ադրբեջանի գնած սպառազինության 15-20%-ը Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքըՀՀ և Ադրբեջանի սահմանին փորձագետները սկսել են կոորդինատների ճշտումը Նշվում է, որ դա արվում է հանձնաժողովի 8-րդ հանդիպման արդյունքներով ձեռք բերված պայմանավորվածությունների համաձայն |
