// IP Marketing video - START// IP Marketing video - END

Հաղթական կամարի կրակի նորացման արարողություն Փարիզում՝ ի հիշատակ Հայոց ցեղասպանության զոհերի

Հաղթական կամարի կրակի նորացման արարողություն Փարիզում՝ ի հիշատակ Հայոց ցեղասպանության զոհերի

PanARMENIAN.Net - Ապրիլի 24-ը Ֆրանսիայում առաջին անգամ նշվում է որպես Հայոց ցեղասպանության հիշատակի ազգային օր։ Համապատասխան որոշումը կայացրել էր Ֆրանսիայի նախագահ Էմանուել Մակրոնը:

Ապրիլի 24-ին Փարիզում տեղի է ունեցել Հաղթական կամարի ներքո գտնվող կրակի նորացման արարողություն՝ նվիրված Հայոց ցեղասպանության զոհերի հիշատակին։ Այդ մասին հայտնում է Ֆրանսիայում ՀՀ դեսպանությունը:

Իսկ Ֆրանսիայի Կլիշի քաղաքում ի հիշատակ Հայոց ցեղասպանության զոհերի հիշատակի, տեղի է ունեցել Շառլ Ազնավուրի անվան հրապարակի բացման արարողությունը:

Ֆրանսիայի նախագահ Էմանուել Մակրոնն ապրիլի 10-ին ստորագրել էր ապրիլի 24-ը Հայոց ցեղասպանության հիշատակի ազգային օր ճանաչելու մասին հրամանագիրը։Հրամանագրում ասվում է, որ 1915-ի հայերի ցեղասպանության հիշատակման օր սահմանել ապրիլի 24-ը։

Ըստ հրամանագրի` ամեն տարի այդ օրը Փարիզում կանցկացվի միջոցառում։ Նմանատիպ միջոցառումներ կարող են կազմակերպել նաև այլ քաղաքներում, յուրաքանչյուր դեպարտամենտում՝ համայնքային ղեկավարության նախաձեռնությամբ։ «Ֆրանսիան առաջին հերթին այն երկիրն է, որը գիտի, թե ինչպես առերեսվել պատմությանը», - ասել էր Մակրոնը՝ հիշեցնելով, որ Ֆրանսիան առաջիններից մեկը դատապարտեց 1915թ. հայ ժողովրդի ցեղասպանությունը:

Ընթերցեք նաև.Ֆրանսիայի դեսպան. «Ապրիլի 24, հիշատակի արարողություն, Արարատ լեռ»

 Ուշագրավ
Պատասխանելով ապագայում նոր հանդիպման մասին հարցին՝ Փաշինյանն ասել է, որ «կոնկրետ պլաններ դեռ չկան»
Արցախի ԱԳՆ-ն նաև Ադրբեջանի իշխանություններին կոչ է անում հրաժարվել հակամարտության ուժային լուծման անհեռանկարային քաղաքականությունից
Սա առաջին դեպքն է, երբ Մեքսիկայում օրենսդիր մարմինը պաշտոնապես ճանաչում է Հայոց ցեղասպանությունը
Նրանք ներկա կլինեն ԵՄ Արևելյան գործընկերության 10-ամյակի ընթրիքին