// IP Marketing video - START// IP Marketing video - END

Փաշինյան․ ՌԴ-ի և Ուկրաինայի միջև իրական երկխոսությունը կարևոր է

Փաշինյան․ ՌԴ-ի և Ուկրաինայի միջև իրական երկխոսությունը կարևոր է

PanARMENIAN.Net - Ռուսական Առաջին ալիքի ուղիղ եթերում՝ «60 րոպե» հաղորդման ընթացքում, ՀՀ վարչապետ Նիկոլ Փաշինյանն ասել է, որ կարևոր է իրական երկխոսություն ձևավորել Ռուսաստանի և Ուկրաինայի միջև։

Հաղորդման վարողը խնդրել է Փաշինյանին խորհուրդ տալ Ուկրաինայի նորընտիր նախագահ Վլադիմիր Զելենսկուն, թե ինչպես պետք է շփվել ՌԴ նախագահ Վլադիմիր Պուտինի հետ։ Ի պատասխան, վարչապետն ասել է, որ շատ կարևոր է համարում կոռեկտ լինել այս հարցում, որովհետև խոսելու է իր երկու գործընկերոջ մասին` ՌԴ նախագահի և Ուկրաինայի նորընտիր նախագահի մասին։

Նիկոլ Փաշինյանը նշել է, որ այդ հարցում շատ կարևոր է իրական երկխոսություն ձևավորել Ռուսաստանի և Ուկրաինայի միջև, որովհետև «երկխոսությունն այլընտրանք չունի»։

«21-րդ դարում այլ կերպ լինել չի կարող։ Ուկրաինացի և ռուս ժողովուրդները, ինչպես նաև հայ ժողովուրդը եղբայրական ժողովուրդներ են։ Եվ ես վստահ եմ, որ Ուկրաինան ու Ռուսաստան կվերականգնեն երկխոսությունը»,-ասել է ՀՀ վարչապետը:

Ավելի վաղ Նիկոլ Փաշինյանն ասել էր, որ Ռուսաստանի նախագահ Վլադիմիր Պուտինի հետ պետք է հարաբերություններ կառուցել պարզ ու անկեղծ ձևով։

 Ուշագրավ
Պատասխանելով ապագայում նոր հանդիպման մասին հարցին՝ Փաշինյանն ասել է, որ «կոնկրետ պլաններ դեռ չկան»
Արցախի ԱԳՆ-ն նաև Ադրբեջանի իշխանություններին կոչ է անում հրաժարվել հակամարտության ուժային լուծման անհեռանկարային քաղաքականությունից
Սա առաջին դեպքն է, երբ Մեքսիկայում օրենսդիր մարմինը պաշտոնապես ճանաչում է Հայոց ցեղասպանությունը
Նրանք ներկա կլինեն ԵՄ Արևելյան գործընկերության 10-ամյակի ընթրիքին