Որքան են պարտվում խաղացողները և որքան են շահում բուքմեյքերները30 մայիսի 2019 - 17:22 AMT PanARMENIAN.Net - ԱԺ փոխխոսնակ Ալեն Սիմոնյանի «Վիճակախաղերի մասին» Հայաստանի Հանրապետության օրենքում լրացումներ կատարելու մասին նախագիծը որոշ բուքմեյքերական ընկերությունների աշխատակիցների խորհրդարանի շենքի մոտ բողոքի ակցիայի էր դուրս բերել։ Նախագծով Երևանում արգելվելու է այդ ընկերությունների գործունեությունը։ PanARMENIAN.Net - ը ներկայացնում է, թե որքան խաղադրույք է կատարվել և որքան է կազմել բուքմեյքերական ընկերությունների շահույթը 2018 թվականին։ Հայաստանում ներկա պահին գործում է բուքմեյքերական լիցենզավորված հինգ ընկերութուն․ դրանք են «Վիվառո Բեթինգ» (VivaroBet), «Եվրոֆուտբոլ» (Europefootball), «Գուդվին-Բետ» (GoodWin), «Սաբարկո» (Adjarabet) և «Դիջիգեյմ» (TotoGaming) ՍՊ ընկերությունները։ Այս ընկերություններից միայն «Եվրոֆուտբոլն» է, որ ՀՀ հրապարակային ծանուցումների պաշտոնական կայքում չի հրապարակել իր տարեկան ֆինանսական հաշվետվությունը։ VivaroBet-ի ֆինանսական հաշվետվության համաձայն, 2018 թվականին բուքմեյքերական ընկերությունն ընդունել է 79․862 մլրդ դրամի խաղադրույք, TotoGaming-ը՝ 39.643 մլրդ դրամի, GoodWin-ը՝ 25․134 մլրդ դրամի, Adjarabet-ը՝ 227․4 մլն դրամի։ Բուքմեյքերական այս 4 ընկերությունը միասին նախորդ տարում ընդունել է մոտ 145 մլրդ դրամի խաղադրույք։ Խաղադրույքների մի քանի անգամ աճը 2017 թվականի համեմատ մասամբ պայմանավորված է նախորդ տարի կայացած ֆուտբոլի աշխարհի առաջնությամբ։ ՀՀ ազգային վիճակագրական ծառայության տվյալների համաձայն՝ տեսախաղային տերմինալների, վիրտուալ մոլեխաղերի և բուքմեյքերական գործունեության կազմակերպման ոլորտում ծառայությունների ծավալը, ընդհանուր առմամբ, կազմել է 324.5 մլրդ դրամ: 2018-ին VivaroBet-ը կատարված խաղադրույքներից շահումների գծով հատուցել է 73.939 մլրդ դրամը, մնացած 5.923 մլրդ դրամ խաղադրույք կատարողները պարտվել են բուքմեյքերական ընկերությանը: Նախորդ տարում խաղադրույք կատարողները Adjarabet-ին» պարտվել են 24.4 մլն դրամ, GoodWin-ին՝ 2.350 մլրդ դրամ, TotoGaming-ին՝ 6.485 մլրդ դրամ: Նախորդ տարում բոլոր նշված բուքմեյքերական ընկերություններին միասին խաղադրույք կատարողները պարտվել են, ընդհանուր առմամբ, 14.782 մլրդ դրամ: 4 ընկերության զուտ շահույթը միասին կազմել է 6․577 մլրդ դրամ։ Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | Սենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր Հյուրերը շրջել են նաև Հայոց ցեղասպանության թանգարանում Թրյուդո․ Պետք է հիշենք և հարգենք Հայոց ցեղասպանության զոհերի հիշատակը Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիս Թուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբ Սերժ Սարգսյանը՝ ընդդիմության անհաջողության մասին․ Կան ոչ միասնական մոտեցումներ Նա նշել է նաև, որ կա արտաքին սատարում այս իշխանություններին |