Պատգամավորի մեքենայից գողացված նոութբուքը վերադարձվել է, կոնյակը՝ խմվել

Պատգամավորի մեքենայից գողացված նոութբուքը վերադարձվել է, կոնյակը՝ խմվել

PanARMENIAN.Net - ՀՀ ոստիկանությունը բացահայտել է ՀՀ ԱԺ «Իմ քայլը» խմբակցության պատգամավոր Սիփան Փաշինյանի ավտոմեքենայից գողության դեպքը, հայտնել է ոստիկանության լրատվական վարչությունը։

Նա Չարբախի բնակիչ Հ․Ա.-ն է, որը նախկինում նմանատիպ հանցագործություններ կատարելու համար մի քանի անգամ դատապարտվել է։ Նա խոստովանել է իր կատարած հանցանքը՝ վերադարձնելով ավտոմեքենայից գողացած նոութբուքը, իսկ կոնյակը վերադարձնել չի կարողացել, քանի որ խմել է այն։

Հունիսի 4-ին՝ ժամը 21-ն անց 25-ի սահմաններում, ոստիկանության Երևան քաղաքի վարչության օպերատիվ կառավարման կենտրոնից ոստիկանության Արաբկիրի բաժին հաղորդում է ստացվել, որ մայրաքաղաքի Դեմիրճյան փողոցում կայանված մեքենաներից մեկից գողություն է կատարվել։ Անհայտ անձը կամ անձինք կոտրել էին «Լեքսուս» մակնիշի ավտոմեքենայի կողային ապակիներից մեկը և սրահից գաղտնի հափշտակել նոթբուք ու թանկարժեք խմիչք։

 Ուշագրավ
Նրանք իրենց անվտանգ են զգում իրենց երկրների փողոցներում գիշերային ժամերին
Մանուկյանը հավելել է, որ հայրենիքը կորցնելու հարցն էր դրված և իրենք ճիշտ քայլի են դիմել
Տոնոյանը նաև նշել է, որ արդիականացվում է նաև 102-րդ ռուսական ռազմակայանը
Փոխքաղաքապետը խորհրդակցել է քաղաքապետ Հայկ Մարությանի հետ