Դատախազ. 2007-ին Քոչարյանի 26-ամյա որդու հաշիվներին $18 մլն-ի մուտք է եղել 19 հունիսի 2019 - 15:48 AMT PanARMENIAN.Net - ՀՀ գլխավոր դատախազ Արթուր Դավթյանը, ՀՀ վերաքննիչ քրեական դատարանում Մարտի 1-ի գործով մեղադրյալ ՀՀ երկրորդ նախագահ Ռոբերտ Քոչարյանի գործի քննության ժամանակ, հայտարարել է, որ 2007 թվականից սկսած՝ երկու տարում մեղադրյալի 26-ամյա որդու (նկատի ունի Քոչարյանի ավագ որդի Սեդրակ Քոչարյանին) բանկային հաշիվներին մոտ $18 մլն-ի մուտքեր են եղել: «Հայկական ժամանակի» փոխանցմամբ, Դավթյանն անդրադարձել է Երևանի ընդհանուր իրավասության դատարանի դատավոր Դավիթ Գրիգորյանի որոշմանը, համաձայն որի Քոչարյանի գործը կարճվել և ուղարկվել է Սահմանադրական դատարան: «Ինչպես կարող էր արդարադատությանը հակված դատավորի մոտ (Դավիթ Գրիգորյան-խմբ.) պարզաբանման անհրաժեշտություն չառաջացներ այն հանգամանքը, որ գրեթե ամբողջ կյանքում պետական պաշտոն զբաղեցնելու պայմաններում, ընդ որում, այնպիսի պաշտոն, որի դեպքում բացառվել է օրենքով ձեռնարկատիրական գործունեություն ծավալելը, մեղադրյալի 26-ամյա որդու բանկային հաշիվներին 2007 թվականից սկսած՝ երկու տարում մոտ $18 մլն-ին համարժեք դրամի և արտաժույթների մուտքեր են եղել»,- ասել է դատախազը: Նա հավելել է, որ այս փաստերի վերաբերյալ քննության ամբողջ ընթացքում որևէ ողջամիտ բացատրություն չի տրվել: Այդ մասին, ըստ դատախազի, լռել է նաև մեղադրյալը: «Քոչարյանին մեղսագրված արարքները բարդ, կազմակերպված, հստակ դերաբաշխմամբ հանցավոր սխեմայի դրսեւորումներ են, որի դերակատարները տվյալ պահին ծառայել են պետական ապարատում և կախվածություն են ունեցել մեղադրյալից։ Պետական ապարատի մի զգալի հատված մասնակցություն է ունեցել հանցավոր գործունեությանը», - ասել է դատախազը: Ընթերցեք նաև՝ «Լևոն Քոչարյան. Դոլարային միլիարդատեր չեմ, միլիոնատեր՝ միգուցե»:   Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին   Ամենաընթերցվողը բաժնում |  Վերջին լուրեր Ալիև․ Հայաստանը պետք է փոխի Սահմանադրությունը, հրաժարվի Արարատ լեռը որպես խորհրդանիշ օգտագործելուց  Ալիևը նաև ասել է, թե «հայերը լուրջ հոգեբանական շեղումներ ունեն» և «զառանցագին գաղափարներ»Ալիև․ Ձեռքերս ծալած չենք սպասելու, մինչև Ֆրանսիան, Հնդկաստանն ու Հունաստանը զինեն ՀՀ–ին «Դրանով փորձում են մեզ ինչ–որ բան ապացուցել»,–ասել է նաՌուբեն Վարդանյանի ընկերներն ու գործընկերներն ապրիլի 24-ին երթ են նախաձեռնել Վարդանյանը հացադուլ է հայտարարել Բաքվի բանտումՎենետիկում անցկացվող 60-րդ միջազգային բիենալեի օրերին բացվել է AKNEYE ֆիջիթալ սփեյսը Ներկաները վայելել են միջոցառումը, ծանոթացել NFT-ների յուրօրինակ աշխարհին և ձեռք բերել նոր ծանոթություններ |
