ԱՄՆ փորձագետ. Բոլթոնը, հավանաբար, ՀՀ առջև Իրանի հետ տնտեսական կապերի հարցն ավելի կոշտ է դրել21 հունիսի 2019 - 12:57 AMT PanARMENIAN.Net - Հայաստանի և Ադրբեջանի ԱԳ նախարարներ Զոհրաբ Մնացականյանի և Էլմար Մամեդյարովի հանդիպումը վերջին 10 տարում առաջին անգամ տեղի է ունեցել ԱՄՆ-ում: Նախարարների հանդիպումը 3 ժամ է տևել, սակայն զգալի պայմանավորվածությունների հասնել չի հաջողվել, գրում է BBC-ին: Քարնեգի հիմնադրամի ավագ գիտաշխատող Փոլ Սթրոնսկին, անդրադառնալով ԱՄՆ նախագահի ազգային անվտանգության գծով օգնական Ջոն Բոլթոնի առանձին հանդիպումներին ՀՀ և Ադրբեջանի ԱԳ նախարարների հետ, ասել է, որ Բոլթոնին հիմա ավելի շատԻրանն է հետաքրքրում:«Բոլթոնը կենտրոնացած է Իրանի վրա: Երկու երկրների հետ քննարկվել են նրանց տնտեսական կապերն Իրանի հետ, և այդ նկատառումը, հավանաբար, ավելի կոշտ ձևով արվել է Հայաստանի հասցեին»,-ասել է Սթրոնսկին: Ըստ փորձագետի, ԱՄՆ նախագահը համագործակցության ուղիներ է որոնում ՌԴ հետ և Լեռնային Ղարաբաղն այն ուղղությունն է, որով ԱՄՆ-ին ավանդաբար հաջողվում էր արդյունավետ աշխատել Ռուսաստանի հետ: «Թրամփն ուզում է ինչ-որ լավ բան անել միջազգային ասպարեզում»,-կարծում է նա: «Ես ուրախ եմ, որ Թրամփի վարչակազմը եռանդով սկսել է զբաղվել Լեռնային Ղարաբաղի խնդրով, որը շատ մեծ ուշադրություն չի գրավում, բայց կարող է զգալի արդյունքներ տալ»,-ասել է Սթրոնսկին: Ըստ Օքսֆորդի համալսարանի տարածաշրջանային փորձագետ Լեյլա Ալիևայի, ԱՄՆ-ն սկսել է ավելի ակտիվ դեր կատարել Անդրկովկասում: Նրա կարծիքով, Վաշինգտոնի դիրքորոշումը փոխվում է, ի տարբերություն նախորդ տարիների, երբ «ամերիկացիների դերը ներքին խնդիրների և այլ միջազգային առաջնայնությունների պատճառով առավել պասիվ էր»: «Բոլթոնին չի հետաքրքրում Լեռնային Ղարաբաղը: Նրա ուշադրության կենտրոնում Իրանն է»,-ասել է ՀՀ-ում ԱՄՆ նախկին դեսպան Ջոն Էվանսը: ԱՄՆ նախագահի ազգային անվտանգության հարցերով խորհրդական Ջոն Բոլթոնը Հայաստանի և Ադրբեջանի ԱԳ նախարարներ Զոհրաբ Մնացականյանի և Էլմար Մամեդյարովի հետ առանձին հանդիպումներից առաջ գրել էր. «Սպասում են այս շաբաթվա վերջին Հայաստանի և Ադրբեջանի արտաքին գործերի նախարարների հետ կայանալիք հանդիպմանը՝ հորդորելու շարունակվող երկխոսությունը նրանց միջև։ ԱՄՆ-ն պատրաստ է օգնել տարածաշրջանում խաղաղության հաստատմանը»: Ուշագրավ Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ | Մարությանը կուսակցություն է հիմնում. Համագումարը` մայիսի 1–ին Անվանումն արդեն հայտնի է Բաքուն Ռասմուսենին մեղադրում է ՆԱՏՕ–ի նախկին գլխավոր քարտուղարի «կարգավիճակը չարաշահելու» մեջ Ռասմուսենի խմբի զեկույցում ԵՄ–ին կոչ է արվել համարձակ քայլեր ձեռնարկելու և էական աջակցություն ցուցաբերել Հայաստանին ԱԱԾ սահմանապահ զորքերն ընդունելություն են սկսել «Զվարթնոց» անցակետում ծառայության համար Ծառայության անցնելու համար կարող են դիմել մինչև 30 տարեկան անձինք Բնակարանային ապահովման աջակցությունից կօգտվեն այն արցախցիները, ովքեր կդառնան ՀՀ քաղաքացի Նախատեսվում է ծրագիրն իրականացնել 5 տարվա ընթացքում |