ՎիվաՍել-ՄՏՍ-ը մտադիր է Mobile ID ներդնել էլեկտրոնային առողջապահության համակարգում

ՎիվաՍել-ՄՏՍ-ը մտադիր է Mobile ID ներդնել էլեկտրոնային առողջապահության համակարգում

PanARMENIAN.Net - Հայաստանի 5-րդ միջազգային բժշկական համագումարի գլխավոր գործընկեր ՎիվաՍել-ՄՏՍ-ը հայտարարել է էլեկտրոնային առողջապահության համակարգում Mobile ID ներդնելու ծրագրերի մասին:

ՎիվաՍել-ՄՏՍ-ի ֆեյսբուքյան հրապարակման մեջ նշվում է, որ համագումարի պաշտոնական բացմանը մասնակցել և դրա մասնակիցներին ողջունել է ՀՀ վարչապետ Նիկոլ Փաշինյանը: Համագումարի մասնակիցներին ուղերձ են հղել ՀՀ նախագահ Արմեն Սարգսյանն ու Ն.Ս.Օ.Տ.Տ. Գարեգին Բ Ամենայն Հայոց Կաթողիկոսը: Ելույթով հանդես են եկել համագումարի նախագահ Արմեն Չարչյանը, ՀՀ և ԱՀ առողջապահության նախարարներ Արսեն Թորոսյանն ու Արայիկ Բաղրյանը և համագումարի գլխավոր գործընկեր կազմակերպության՝ ՎիվաՍել-ՄՏՍ-ի գլխավոր տնօրեն Ռալֆ Յիրիկյանը:

Իր ելույթում ՎիվաՍել-ՄՏՍ-ի գլխավոր տնօրենը տեղեկացրել է, որ ընկերությունը կարևորում է էլեկտրոնային առողջապահության ոլորտի զարգացումը, ինչը համաշխարհային միտում է: Ռալֆ Յիրիկյանն տեղեկացրել է, որ արդեն իսկ պայմանավորվածություն է ձեռք բերվել ՀՀ էլեկտրոնային առողջապահության համակարգը կառավարող՝ «Էլեկտրոնային առողջապահության ազգային օպերատոր» ՓԲ ընկերության հետ՝ Mobile ID-ն էլեկտրոնային առողջապահության համակարգում ներդնելու ուղղությամբ: Mobile ID-ն լինելու է այն առանցքը, որի օգնությամբ պետք է տեղի ունենա շահառուների գրանցումն ու խիստ նույնականացումը էլեկտրոնային առողջապահության տեղեկատվական շտեմարանում:

 Ուշագրավ
Համաժողովը Հայաստանում կանցկացվի հոկտեմբերի 6-9-ը՝ ընդգրկելով ավելի քան 2000 մասնակից՝ 70 երկրից
Բջջային կապի բաժանորդների թվաքանակը նախորդ տարում 2017-ի համեմատ աճել է 2.6%-ով
Անդրոիդ Սոֆիան ՄԱԿ կողմից որպես մարդ ճանաչված և քաղաքացիություն ունեցող միակ ռոբոտն է
Սմարթֆոնը կթողարկվի 3 երանգով՝ սև, ինդիգո, պղնձագույն