Ջորջ Մարտինը մանրամասներ է ներկայացրել «Գահերի խաղի» փրիքվելից

Ջորջ Մարտինը մանրամասներ է ներկայացրել «Գահերի խաղի» փրիքվելից

PanARMENIAN.Net - Հայտնի գրող Ջորջ Մարտինը Entertainment Weekly-ին տված հարցազրույցում որոշ մանրամասներ է ներկայացրել «Գահերի խաղի» փրիքվելից՝ թե ինչպիսին էր Վեսթերոսը մինչ սերիալի իրադարձությունները:

Ավելի վաղ արդեն ասվել էր, որ փրիքվելի գործողությունները, որի նկարահանումներն արդեն ընթանում են Հյուսիսային Իռլանդիայում, տեղի են ունենում «Գահերի խաղից» 5,000 տարի առաջ և ավարտվում են մարդկանց և Սպիտակ քայլորդների դիմակայությամբ: Սցենարը գրում է Ջորջ Մարտինը Ջեյն Գոլդմանի հետ համատեղ:

Նա 5 փաստ է ներկայացրել փրիքվելի մասին:

1. Վեսթերոսում 100 թագավորություն է եղել, բայց փոքր: «Մենք խոսում ենք 7 թագավորության մասին, դրանք 7-ն էին Էյգոնի նվաճումներից հետո, բայց նախկինում դրանք 9-ին, մինչ այդ՝ 12-ը, ավելի վաղ՝ 100-ը, բայց շատ փոքր»,-ասել է գրողը:

2. Փրիքվելում կլինեն Սթարքերը, քանի որ նրանք սերում են Առաջին մարդկանցից: Վիշապները դեռ չեն հայտնվել, բայց բազում այլ էակներ կան: «Անշուշտ, կլինեն նաև Սպիտակ քայլորդները, կամ Այլոք, ինչպես նրանց անվանում են գրքում, ինչպես նաև նախագայլերը, որոնք ապրել են հազարավոր տարիներ առաջ, և մամոնտները:

3. Լանիստերները փրիքվելում չկան, առնվազն, սկզբում: Նրանց տոհմական բնակավայրում այլ տոհմ է ապրում: «Ժայռը տեղում է և այնտեղ ապրում են Քասթերլիները, որոնց պատվին էլ այդ հողերը կկոչվեն ավելի ուշ»,-ասել է գրողը:

4. Առաջատար դերերում կանայք կլինեն՝ Նաոմի Ուոթս, Նաոմի Էքի և Դենիզ Հոֆ: «Ես չէի օգտագործի գլխավոր դերակատարներ արտահայտությունը: «Գահերի խաղում» մենք ոչ մեկին գլխավոր դերում չենք նշանակել, կարծում եմ, այս դեպքում էլ այդպես կլինի»,-պարզաբանել է Մարտինը:

5. Վերնագիրը, հավանաբար, կփոխվի: «Երկար գիշեր» տարբերակը դեռ պաշտոնապես չի հաստատվել, քանի որ «Գահերի խաղի» 8-րդ եթերաշրջանի 3-րդ էպիզոդն էր այդպես կոչվում: Թեև Ջորջ Մարտինին այդ տարբերակը դուր է գալիս, բայց նա դեմ չէ նաև առաջարկված «Ամենաերկար գիշերը» տարբերակին:

 Ուշագրավ
Կինոշուկան իր մեծությամբ և հնարավորություններով աշխարհում երրորդն է
Ավելի վաղ նման արդյունք է գրանցել էր միայն Քրիսթոֆեր Քրոսը
«Համոզված եմ եղել, որ մշակույթը սահմաններ չի ճանաչում»,- նշել է նա
10 էպիզոդից կազմված ֆիլմը պատմելու է Թարգարյենների մասին