Ալիև. Ստատուս քվոն ԼՂ հարցում անընդունելի է

Ալիև. Ստատուս քվոն ԼՂ հարցում անընդունելի է

PanARMENIAN.Net - Ադրբեջանի նախագահ Իլհամ Ալիևը Եվրամիության Խորհրդի նախագահ Դոնալդ Տուսկի հետ Բաքվում կայացած համատեղ ճեպազրույցում Հայաստանին է մեղադրել «ապակառուցողական դիրքորոշման» մեջ:

Նա հայտարարել է նաև, որ ստատուս քվոն անընդունելի է: «Ստատուս քվոյի փոփոխությունը նշանակում է ադրբեջանական տարածքների ազատման մեկնարկ»,-ասել է Ալիևը:

«Առանձնազրույցի ժամանակ ես տեղեկացրել եմ Տուսկին ԼՂ հարցում մեր դիրքորոշման մասին: Մեր անդրդվելի դիրքորոշումն այն է, որ հակամարտությունը պետք է կարգավորվի Ադրբեջանի տարածքային ամբողջականության շրջանակում»,-հայտարարել է Ալիևը, հայտնում է Interfax-ը:

Նա հավելել է, որ միջազգային հանրության և ԵԱՀԿ Մինսկի խմբի ջանքերը պետք է ուղղվեն հակամարտության շուտափույթ կարգավորմանը:

Դոնալդ Տուսկն Ադրբեջանում էր տարածաշրջանային այցով: Հուլիսի 10-ին Տուկսը կլինի Հայաստանում, որտեղ մի շարք հանդիպումներ կունենա երկրի բարձրագույն պաշտոնյաների հետ:

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---