Եգիպտոսն Ինտերպոլ է դիմել Christieʼs-ում Թութանհամոնի կիսանդրու վաճառքի փաստով10 հուլիսի 2019 - 11:58 AMT PanARMENIAN.Net - Եգիպտոսի իշխանությունները խնդրել են Ինտերպոլին գտնել եգիպտացի փարավոն Թութանհամոնի կիսանդրին, որը վաճառվել է Christieʼs աճուրդի տանը: Այդ մասին հայտնում է Associated Press-ը Եգիպտոսի Հինավուրց նմուշների վերադարձման ազգային կոմիտեի հայտարարության վրա հղումով: Թութանհամոնի կիսանդրին Արևի աստված Ամոնի տեսքով, որը ստեղծվել է շագանակագույն կվարցիտից մոտ 3 000 տարի առաջ, հանվել էր աճուրդի հուլիսի 4-ին: Լոտը վաճառվել է 5,9 մլն դոլարով: Գնորդը չի ցանկացել, որ իր անունը հրապարակվի, հայտնում է Meduza-ն: Ըստ Եգիպտոսի հնությունների գծով նախկին նախարար Զահի Հավասի, կիսանդրու վաճառքն ապօրինի է եղել, քանի որ արժեքավոր իրը գողացել են Կարնակի տաճարից 1970-ականներին: Christieʼs-ը պնդում է, որ վերջին 50 տարիներին կիսանդրու օրինական սեփականատերն է եղել սկզբից գերմանցի ազնվական և կոլեկցիոներ Վիլհելմ Տուրն-ի-Տակսիսը, իսկ հետո արվեստի գործեր վերավաճառող մի քանի եվրոպացի դիլերներ: Ինտերպոլ դիմելուց բացի Եգիպտոսի իշխանությունները մտադիր են նաև դատական հայց ներկայացնել Christieʼs-ի դեմ: Թութանհամոն III (արաբ․՝ توت عنخ آمون, բառացիորեն՝ Ամոնի կենդանի պատկերը), Հին Եգիպտոսի 18-րդ դինաստիայի (Նոր թագավորություն) փարավոն (մեր թվարկությունից առաջ մոտ 1332-1323 թվականներին։ Ամենհոթեպ 4-ի (էխնաթոն) և Նեֆերտիտիի դստեր ամուսինը և, հավանաբար, Էխնաթոնի կրտսեր եղբայրը։ Գահ է բարձրացել 9 տարեկանում, մահացել է 20 տարին չբոլորած։ Թութանհամոնի օրոք վերացվել են Էխնաթոնի կրոնական ռեֆորմները, վերականգնվել է Ամոնի պաշտամունքը։ Փարավոնի աթոռանիստն Ախեթաթոնից տեղափոխվել է Թեբե։ 1922 թվականին անգլիական հնագետ Հ. Կարտերը հայտնաբերել է Թութանհամոնի հարուստ դամբարանը։ Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Առաջարկ. Մեքենայի գույքահարկը տեխզննման պահին վճարել մասնակի Օրենքն ուժի մեջ կմտնի 2025 թվականի հունվարի 1-ից Պետել․ ԼՂ–ում հայկական ներկայության բոլոր հետքերը ջնջելն Ալիևի վարչակարգի նախագիծն է «Ադրբեջանցիներն այժմ գրոհում են կառավարության շենքը»,- գրել է նա ՄԻԵԴ-ում դատավորի պաշտոնում ՀՀ-ի կողմից առաջադրվող թեկնածուները հաստատվել են 3 նոր դատավոր է նշանակվել Թաթոյան․ Կիրանցը նեղ թերակղզու նմանությամբ գրեթե ամբողջությամբ շրջափակված է լինելու ադրբեջանական զորքերով Արոտավայրերը, այգիները, այլ հողեր հայտնվելու են ադրբեջանական վերահսկողության կամ թիրախի ներքո |