Ղրղզստանի նախկին նախագահին մեղադրել են պետհեղաշրջման փորձի մեջ

PanARMENIAN.Net - Ղրղզստանի Պետական ազգային անվտանգության նախագահ Օրոզբեկ Օպումբաևը կարծում է, որ երկրի նախկին նախագահ Ալմազբեկ Ատամբաևը մտադիր է պետական հեղաշրջում իրագործել, որի համար նրան հարկավոր էր, որ արյունահեղություն լինի: Ուստի նա ձերբակալվել է և բերման ենթարկվել հարցաքննության: Այդպես է հատուկ ծառայության ղեկավարը մեկնաբանել օգոստոսի 7-8-ի իրադարձությունները Կոյ Տաշում, որտեղ հատուկջոկատայինները նախկին նախագահի ձերբակալման գործողություն էին իրականացնում, իսկ Ատամբաևի կողմնակիցները պաշտպանում էին վերջինիս, գրում է Ինտերֆաքսը:

Օպումբաևը հայտարարել է, որ Ատամբաևն իր նստավայրում հավաքվածներից յուրաքանչյուրին 8000-ական սոմ է վճարել, ինչպես նաև այնտեղ է հավաքել կանանց, երեխաներին, ծերունիներին, իսկ տանը քարեր ու զենք է կուտակել:

Ըստ նրա, Ատամբաևի կողմնակիցները կրակել են սպանելու մտադրությամբ՝ 1 հատուջոկատային զոհվել է, ևս 5-ը՝ վիրավորվել: Ավելի վաղ Ատամբաևը խոստովանել էր, որ ինքն անձամբ է կրակել հատուկջոկատայինների ուղղությամբ, սակայն աշխատել է, որ նրանց չդիպչեն փամփուշտները:

Կոյ Տաշում իրադարձությունների մասվ 8 քրգործ է հարուցվել: Անձամբ նախկին նախագահ Ատամբաևը կասկածվում է զենք կիրառեոլւ, զանգվածային անկարագություններ կազմակերպելու, քննությանը խոչընդոտելու, պատանդներ վերցնելու, մեկ մարդու սպանության և սպանության փորձի մեջ:

Ատամբաևին ձերբակալել են օգոստոսի 26-ին: Մինչ այդ նրան կոուպցիոն մի քանի մեղադրանք էր ներկայացվում, այդ թվում աջակցություն քրեական հեղինակություն Ազիզ Բատուկաևին: