Սուրենյան. Օգոստոսի 14-ից ջերմաստիճանը կբարձրանա 5-6 աստիճանով

Սուրենյան. Օգոստոսի 14-ից ջերմաստիճանը կբարձրանա 5-6 աստիճանով

PanARMENIAN.Net - Իրաքի շրջաններից Հայաստանին մոտենում է տաք օդի հերթական ալիքը։ Այդ մասին իր ֆեյսբուքյան էջում գրել է ՀՀ ԱԻՆ Հիդրոմետ ծառայության օդերևութաբանական կենտրոնի պետ Գագիկ Սուրենյանը:

«Օգոստոսի 14-ից սկսած մինչև օգոստոսի 16-ը ներառյալ բոլոր մարզերում օդի ջերմաստիճանը աստիճանաբար կբարձրանա 5-6 աստիճանով։ Ամենաշոգ օրը կլինի օգոստոսի 16-ը, երբ Արարատյան դաշտում և Երևանում, ինչպես նաև Սյունիքի հովտային գոտում օդի ջերմաստիճանը ցերեկը 16։00-18։00 ընկած ժամանակահատվածում կհասնի +38․․․+39, առանձին ցածրադիր հատվածներում նույնիսկ +40 աստիճանի»,-ասվում է գրառման մեջ։

Նշվում է նաև, որ առաջիկա 5 օրերին հովտային և նախալեռնային շրջաններում պահպանվելու է նաև բարձր կարգի հրդեհավտանգ իրավիճակը:

 Ուշագրավ
Ryanair ավիաընկերության առաջին թռիչքները դեպի «Զվարթնոց» օդանավակայան իտալական Հռոմից և Միլանից կիրականացվեն ուշացումներով
Սուր շնչառական վարակներով հոսպիտալացված է 668 հիվանդ
Աբրահամյանը հավելել է, որ ձեռնարկվում են միջոցներ՝ հանցավոր սխեմաներում ընդգրկված անձանց բացահայտելու ուղղությամբ