Բռնկված շարժիչով մարդատար ինքնաթիռը ՌԴ-ում վայրէջք է կատարել դաշտում. 10 մարդ է տուժել (վիդեո)

Բռնկված շարժիչով մարդատար ինքնաթիռը ՌԴ-ում վայրէջք է կատարել դաշտում. 10 մարդ է տուժել

PanARMENIAN.Net - «Ուրալյան ավիաուղիների» А321 ինքնաթիռը վթարային վայրէջք է կատարել օգոստոսի 15-ի առավոտյան Ժուկովսկի օդանավակայանից օդ բարձրանալուց հետո:

Օդանավը, որտեղ 234 մարդ կար, այդ թվում անձնակազմի 7 անդամը, կատարում էր Մոսկվա-Սիմֆերոպոլ չվերթը: Բարձրություն հավաքելիս՝ օդանավը բախվել է ճայերի երամին: Ինքնաթիռի երկու շարժիչներն էլ անջատվել են, քանի որ այնտեղ թռչուններ էին հայտնվել: Շարժիչներից մեկը բռնկվել է, հայտնում է Meduza-ն:

Արդյունքում անձնակազմը ստիպված է եղել վայրէջք կատարել Ռիբակի գյուղի մոտակայաքի եգիպտացորենի դաշտում: Ուղևորներին տարհանել են ինքնաթիռից փչովի տրապերի միջոցով: Հրդեհ ինքնաթիռում չի եղել:

Տուժել է 10 մարդ, այդ թվում 3 երեխա: Բոլորը հոսպիտալացվել են: Նրանք հիմնականում քերծվախծքներ ու սալջարդեր ունեն, լուրջ վնասվածքներ չկան: Մյուս ուղևորներին հասցրել են Ժուկովսկի օդանավակայան:

Քննչական կոմիտեն քրգործ է հարուցել թռիչքների անվտանգության կանոնների խախտման վերաբերյալ:

 Ուշագրավ
Գիտնականներն ասում են, որ Համաշխարհային օվկիանոսի տաքացումը վկայում է կլիմայի փոփոխության արագանալու մասին
Ավելի վաղ արքայազն Հարիին և նրա կինը հայտնել էին, որ մտադիր են ֆինանսական ինքնուրույնության հասնել առանց թագավորական արտոնությունների
Ինքնաթիռը կործանվել է թռիչքից անմիջապես հետո