Հոնկոնգում ցուցարարները կոչ են արել բոյկոտել Disney-ի «Մուլան» ֆիլմը

17 օգոստոսի 2019 - 12:21 AMT

PanARMENIAN.Net - Disney-ի «Մուլան» ֆիլմի գլխավոր դերակատար դերասանուհի Լյու Իֆեյը հավանություն է տվել ոստիկանության գործողություններին, որին ցուցարարները մեղադրում են ուժի կիրառման մեջ:

«Ես սատարում եմ Հոնկոնգի ոստիկանությանը: Կարող եք հարձակվել ինձ վրա: Ինչ խայտառակություն Հոնկոնգի համար»,-գրել է Իֆեյը չինական Weibo սոցցանցում: Իսկ գրառմանը Իֆեյը կցել է կառավարամետ ռեսուրս «Ժեմին ժիբաոյի» նյութը, գրում է Bird in Flight-ը СNN-ի վրա հղումով:

Դրանից հետո թվիթերում հայտնվեց #BoycottMulan հաշթագը: Սոցցանցի օգտատերերը մեղադրում են դերասանուհուն ոստիկանության դաժանությանը հավանություն տալու մեջ և հիշեցնում են, որ Իֆեյն ԱՄՆ քաղաքացի է: Մինչդեռ Weibo-ում մարդիկ սատարեցին Լյուին. Նրա գրառումը ավելի քան 70 հազար հավանում է ստացել:

Բողոքի զանգվածային ցույցերը Հոնկոնգում շարունակվում են արդեն 2 ամիս, որոնց համար առիթ հանդիսացան իշխանությունների կողմից դեռևս փետրվարին ընդունված ուղղումները արտահանձնման մասին օրենքում, որով թույլատրվում է արտահանձնել հանցագործներին Չինաստանին: Շատերի կարծիքով, այդ օրենքը կարող է օգտագործվել այլախոհների դեմ պայքարում:

Ավելի վաղ Պեկինն իր աջակցությունն է հայտնել Հոնկոնգի իշխանություններին ցուցարարների դեմ պայքարում, իսկ վերջիններս հայտարարել են, որ վճռական են լինելու:

Հղումներ թեմայով.

Bird in Flight: Протестующие в Гонконге призвали бойкотировать предстоящий фильм «Мулан» от Disney