Ֆրանսիայի դեսպանը կողմ է Գյումրին ՅՈՒՆԵՍԿՕ-ում ընդգրկելուն26 օգոստոսի 2019 - 11:45 AMT PanARMENIAN.Net - Գյումրին հայկական ժառանգության մայրաքաղաքն է, որն իր փողոցներում և իր ճարտարապետության մեջ պահպանում է անցյալի ժամանակների որոշակի քաղաքակրթության հիշողությունը: Այդ մասին ՀՀ-ում Ֆրանսիայի դեսպան Ջոնաթան Լաքոթը գրել է իր ֆեյսբուքյան էջում՝ անդրադառնալով Գյումրիի օրվան, որը նշվեց օգոստոսի 25-ին: Նա նշել է, որ դեսպանությունը կողմ է Գյումրին ՅՈՒՆԵՍԿՕ-ի ցանկում ընդգրկելու գաղափարին: «Մինչդեռ ակտիվ և աշխույժ Երևանը Հայատանի մայրաքաղաքն է, Գյումրին, անկասկած, հայկական ժառանգության մայրաքաղաքն է, որն իր փողոցներում և իր ճարտարապետության մեջ պահպանում է անցյալի ժամանակների որոշակի քաղաքակրթության հիշողությունը: Գյումրին հաճախ ճանաչում են Լենինական անունով, որը նա կրում էր 1988-ի երկրաշարժի ժամանակ, որից տուժեց յուրաքանչյուր ընտանիք և որի վերքերը պահպանված են քաղաքում երեսունմեկ տարի անց: Բայց, ինչպես և ամբողջ Հայաստանը, Գյումրին այժմ հույս է վերագտել, բարեկարգում է իր փողոցները, տեսնում է նոր բիզնեսների շատացում և ընդունում է նոր այցելուների: Գյումրին ունի տեխնոլոգիական կենտրոն և այնտեղ, ինչպես Երևանում և Փարիզում, շուտով կբացվի ԹՈՒՄՈ կենտրոն, որը քաղաքի երիտասարդությանն անվճար համակարգչային կրթություն կառաջարկի»,-ասվում է գրառման մեջ: Նշվում է, որ Ֆրանսիայի դեսպանությունը աջակցում է այս նորացմանը Համալսարանի և Ֆրանսերենի խորացված ուսուցմամբ դպրոցների միջոցով, ինչպես նաև մարտ ամսին Գյումրիում կազմակերպելով «Ֆրանսիայի համը» գաստրոնոմիական միջոցառումը։ «Դեսպանությունը քաղաքի և պետության իշխանությունների հետ խթանում է Գյումրին 19-րդ դարի իր ժառանգության եզակի և չտեսնված պահպանված բնույթի համար ՅՈՒՆԵՍԿՕ-ի Համաշխարհային ժառանգության ցանկում ընդգրկելու գաղափարը։ Այս օգոստոսի 25-ին ես իմ լավագույն բարեմաղթանքներն եմ հղում Գյումրի քաղաքի բնակիչներին ՝ հավաստիացնելով, որ իրենց քաղաքի առաջխաղացման համար ունեն մեր աջակցությունը»,-գրել է դեսպանը։ Հղումներ թեմայով. Ուշագրավ Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները Հաջորդ հումանիտար բեռը նախատեսվում է տրամադրել Խարկովի հիվանդանոցներից մեկին Ամենաընթերցվողը բաժնում | Ըստ ՌԴ ԱԳՆ–ի՝ ԵՄ հետ առանց վիզայի ռեժիմը բացասաբար կազդի ՀՀ անվտանգության վրա Նշվել է, որ դա կնպաստի հեռանկար ունեցող երիտասարդների արտահոսքին Women in Business of Armenia կոնֆերանս՝ Visa-ի և EBRD-ի կազմակերպմամբ Պանելային քննարկմանը մասնակցել է նաև Evoca-ի Վարչության նախագահի տեղակալ Տաթևիկ Խաչատրյանը Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին Նա TED Talks ձևաչափով խոսել է «Նոր ղեկավարման ոճ: Թվային փոխակերպում» թեմայի շուրջ Ստանո․ Բլինքեն-Փաշինյան -Ֆոն դեր Լայեն հանդիպումը նվիրված չի լինելու «անվտանգության երաշխիքներին» ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու |