Արամյանցի տան չափագրման և գնահատման նախագիծ կներկայացվի 6 սեպտեմբերի 2019 - 13:59 AMT PanARMENIAN.Net - Լոռու մարզպետ Անդրեյ Ղուկասյանի նախաձեռնությամբ ՀՀ կառավարության նախագիծ է նախապատրաստվում, որով կառավարության պահուստային ֆոնդից գումար կնախատեսվի թիֆլիսահայ մեծանուն գործարար Միքայել Արամյանցի դղյակի և հարակից տարածքների չափագրում և գնահատում կատարելու համար: Նպատակն է՝ տարածքը գերակա շահ ճանաչել, հայտնում է Լոռու մարզպետարանի ֆեյսբուքյան էջը: Նշվում է, որ Ղուկասյանը վստահ է, որ կարճ ժամանակ անց հնարավոր կլինի այն վերցնել պետական հոգածության ներքո, ապա նաև հանձնել ջանացավ ներդրողների, ովքեր կկարողանան տարածքը վերածել տուրիստական հանգրվանի: 120-ամյա պատմություն ունեցող դղյակը՝ հարակից տարածքներով ընդգրկված է պատմության և մշակույթի անշարժ հուշարձանների պետական ցուցակում: Շվեյցարական ոճով կառուցված այդ հոյակերտ դղյակը շատ բան է ասում 19-րդ դարավերջում հայկական ազնվական ընտանիքների նիստուկացի, գործունեության մասին: Ժամանակին այն ոչ միայն Արամյանցների համար է որպես հանգստյան տուն ծառայել, այլև դարձել է հայ մտավորականության հավաքատեղի: Ցարական Ռուսաստանի օրոք Արամյանցի տունը Լոռվա ձորում էլեկտրական լուսավորությամբ լուսավորվող միակ շինությունն է եղել, իսկ թենիսի խաղադաշտն առաջինն է եղել Հայաստանում: Խորհրդային տարիներին Արամյանցի տունը վերածվել է առողջարանային ու հանգստի կենտրոնի` վերանվանվելով Ալավերդու «Դեբեդ» տուրիստական հանգրվան: 1992 թ. Հայաստանի արհեստակցական միությունների կոնֆեդերացիան այն սեփականության իրավունքով հանձնել է Տուրիզմի և էքսկուրսիաների հանրապետական խորհրդին, որն էլ իր հերթին 2005 թ. հոկտեմբերի 18-ին այն ոչ համարժեք գումարով վաճառել է ամերիկահայ գործարար Սերոբ Տեր-Պողոսյանի «Մեթըլ Փրինս» ընկերությանը: Վերջինիս հետ կապված հայտնի իրադարձություներից հետո նախորդ տարիների ՀՀ կառավարության կողմից քայլեր են ձեռնարկվել անգործության մատնված, բարձիթողի վիճակում գտնվող տարածքը և դղյակը հետ վերցնելու նպատակով, սակայն ապարդյուն: 2017-ին հայտարարվել էր, որ «Տաշիր» բարեգործական հիմնադրամի ղեկավար Վահե Կարապետյանի հետ Արամյանցի տունը վերանորոգելու շուրջ պայմանավորվածություն է ձեռք բերվել: Ախթալայում ազգային գործիչ, բարերար Միքայել Արամյանցի տունը կառավարության 2016 թվականի դեկտեմբերի 15-ի որոշմամբ ընդգրկվել է պատմության և մշակույթի անշարժ հուշարձանների պետական ցանկում և ստացել պատմամշակութային հուշարձանի կարգավիճակ: Հղումներ թեմայով. Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | Սենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր Հյուրերը շրջել են նաև Հայոց ցեղասպանության թանգարանում Թրյուդո․ Պետք է հիշենք և հարգենք Հայոց ցեղասպանության զոհերի հիշատակը Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիս Թուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբ Սերժ Սարգսյանը՝ ընդդիմության անհաջողության մասին․ Կան ոչ միասնական մոտեցումներ Նա նշել է նաև, որ կա արտաքին սատարում այս իշխանություններին |