Վարչապետ․ Նախորդ ռեժիմը թոշակներ էլ է տվել, գնանք հե՞տ հավաքենք

Վարչապետ․ Նախորդ ռեժիմը թոշակներ էլ է տվել, գնանք հե՞տ հավաքենք

PanARMENIAN.Net - ՀՀ վարչապետ Նիկոլ Փաշինյանը կարծում է, որ իշխանության ձեռնարկած քայլերը նախորդ իշխանության ներկայացուցիչներին քրեական պատասխանատվության ենթարկելու հարցում ինքնին գնահատական է նրանց քայլերին։

Այս մասին վարչապետը խոսել է՝ պատասխանելով պատգամավոր Արման Բաբաջանյանի՝ նախկին, իր գնահատականով, «հանցավոր ռեժիմին» իրավաքաղաքական գնահատական տալու ու դրա շրջանակում Ամուլսարի խնդիրը լուծելու վերաբերյալ հարցին։

Վարչապետը շեշտել է, որ այդ իշխանության պայմաներում ՀՀ-ում շատ իրադարձություներ են տեղի ունեցել, ու հարցրել՝ պե՞տք է արդյոք, որ ամեն ինչ, ինչ եղել է նախկին իշխանության օրոք, արմատախիլ արվի։

«Օրինակ, բաժանվել են կենսաթոշակներ, գնանք կենսաթոշակառուների ձեռքերից հավաքե՞նք թոշակները», - շեշտել է վարչապետը։

Նա նշել է, որ տասնյակ մարդիկ նախորդ իշխանությունների օրոք գործած տերբեր հանցանքների գործերով մեղադրյալ են, տասնյակ մարդիկ դեռ մեղադրյալ են լինելու, ապօրինի հարստացած անձերի գույքի վերադարձի գործընթաց է գնում։

«Բա գնահատականը պոզով-պոչո՞վ է լինում», - հարցրել է Փաշինյանը։

 Ուշագրավ
Սողոմոնյանն ասել է՝ գերադասում է տեղեկություններն ամբողջացնել, հետո նոր մեկնաբանել
Գրիգորյանը նշել է, որ նախորդ իշխանությունն օգտագործել է տարբեր գործիքներ և մարդկանց՝ հեղաշրջման փորձի համար
Փաստաբանի և նրա վստահորդների խոսակցությունը գաղտնալսվել և կցվել է քրգործին
Կառավարությունը դեմ է, պատգամավորների մի մասը` կողմ Ոստիկանությանը գաղտնալսման հնարավորություն տալու նախագծին