// IP Marketing video - START// IP Marketing video - END

Վիտալի Բալասանյան. Թե Փաշինյանը, թե ահաբեկչական «Սասնա ծռերը» մեկ ամբողջություն են (վիդեո)

Վիտալի Բալասանյան. Թե Փաշինյանը, թե ահաբեկչական «Սասնա ծռերը» մեկ ամբողջություն են

PanARMENIAN.Net - ՀՀ վարչապետ Նիկոլ Փաշինյանը փորձում է ահաբեկել բոլորին: Այս մասին LiveNews.am-ին հարցազրույցում հայտարարել է Արցախի հերոս Վիտալի Բալասանյանը՝ խոսելով Փաշինյանի և «Սասնա ծռերի» հանդիպման մասին: Բալասանյանի խոսքով՝ ՀՀ վարչապետն այդ քայլով փորձել է ցույց տալ՝ «տեսեք մենք ունենք մարտական թև, կարող եմ հրաման տամ և «Սասնա ծռերը» ձեր հարցերը ֆիզիկապես լուծեն»:

«Լուր տամ բոլորին, մանավանդ Փաշինյանի կողմնակիցներին և «Սասնա ծռերին»՝ թող չփորձեն նմանատիպ խոսակցություններ ծավալեն կամ քննարկեն. րոպե առաջ պատասխան են տալու»,- ասել է Բալասանյանը:

Նա նշել է, թե իր, Արցախի ժողովրդի, Ղարաբաղի իշխանության դեմ ոտնձգություն իրականացնողներին պատրաստ են ֆիզիկապես ոչնչացնել՝ հավելելով, որ 2016 թվականին իրենք ներել են «ահաբեկիչներին»՝ «Սասնա ծռերին»:

«Նրանք կարող են ահաբեկչություն իրականացնել, ի դեմս Նիկոլ Փաշինյանի, ՀՀ իշխանությունների դեմ, որովհետև թե Նիկոլ Փաշինյանը, թե էդ ահաբեկչական խմբավորումը մեկ ամբողջություն են՝ մեկ ահաբեկչական խմբավորում: Մեկը զենքով, մեկը գրիչով իշխանությունը բռնազավթել են, բարձրաձայն եմ ասում, թող Նիկոլի հպարտ քաղաքացիները լսեն, համայն հայությունով լսեն և համայն հայությունը րոպե առաջ քայլ անի»,- ասել է Բալասանյանը:

Սեպտեմբերի 6-ին վարչապետ Նիկոլ Փաշինյանը հանդիպել էր «Սասնա ծռերի» անդամներ Ժիրայր Սեֆիլյանին և Գարեգին Չուգասզյանին: Ըստ վարչապետի մամուլի խոսնակ Վլադիմիր Կարապետյանի՝ հանդիպմանը քննարկվել են երկուստեք հետաքրքրության հարցեր:

 Ուշագրավ
«Նախագահ Շիրակը, հիրավի, հայ-ֆրանսիական միջպետական հարաբերությունների զարթոնքի խորհրդանիշներից էր»,-ասվում է գրառման մեջ
Դատախազությունը հաստատել է Սանասարյանին առաջադրված մեղադրանքն ու գործն ուղարկել դատարան:
Նախագահ Արմեն Սարգսյանը ստորագրել է Վալերի Օսիպյանին աշխատանքից ազատելու հրամանագիրը:
Կատարվող փոփոխություններով հստակեցվում են ՀԱՊԿ-ում դիտորդ և գործընկեր լինելու ընթացակարգերը