2025-ին կառավարությունն ուզում է արդյունաբերական արտադրանքը հասցնել 3․9 տրլն դրամի17 հոկտեմբերի 2019 - 17:37 AMT PanARMENIAN.Net - Իրավական ակտերի նախագծերի հրապարակման միասնական կայքում տեղադրվել է Հայաստանի արդյունաբերության զարգացման հնգամյա ռազմավարությունը, որով նախատեսվում է երկիրը դարձնել ամենամրցունակը տարածաշրջանի և ԵԱՏՄ երկրների արդյունաբերության ճյուղի համեմատությամբ: Ըստ ռազմավարության՝ վերոնշյալ թիրախի ապահովումը հնարավոր կլինի արդյունաբերության արտադրանքի ծավալի աճի, արտահանման ծավալի աճի, արտադրողականության բարձրացման աճի և զբաղվածության ավելացման տեմպի բարձր ցուցանիշների ապահովմամբ: Նախատեսվում է արդյունաբերական արտադրանքի ծավալների շարունակական աճ տարեկան միջինը 12%, մշակող արդյունաբերության արտադրանքի ծավալի աճ՝ տարեկան միջինը 15%, արդյունաբերության արտադրանքի արտահանման ծավալի շարունակական աճի ապահովում՝ տարեկան միջինը 15%, մշակող արդյունաբերության արտադրանքի արտահանման ծավալի աճ՝ տարեկան միջինը 20%: Հնգամյա ռազմավարությամբ նախատեսվում է նաև՝ արդյունաբերությունում զբաղվածների շարունակական աճի ապահովում տարեկան միջինը 6%, մշակող արդյունաբերության արտադրանքի ծավալի աճը տարեկան միջինը 8%։ Հրապարակված ռազմավարության մեջ նշվում է, որ նախատեսվում է 2025-ին արդյունաբերական արտադրանքը դարձնել 3900 մլրդ դրամ, ավելացնել արդյունաբերական արտադրանքի արտահանումը մինչև 2300 մլրդ դրամ, արդյունաբերության ոլորտում ապահովելով 137 500 մարդու զբաղվածություն: Ռազմավարության իրականացման նշանակետում կլինեն մշակող արդյունաբերության ինչպես առկա, այնպես էլ նոր հեռանկարային ճյուղերի զարգացման սկզբունքը, համակարգաստեղծ կազմակերպությունների ձևավորումը և մրցունակության աճը, ինչպես նաև դրանց արժեշղթաներում փոքր ու միջին կազմակերպությունների ներառման համար հնարավորությունների ստեղծումը: Որպես մրցունակության բարձրացման ռազմավարական ուղղություններ նախանշվել են արտադրողականության բարձրացման ապահովումը, տեխնոլոգիական վերազինում և նորարարության, մասնագիտական կարողությունների զարգացման խթանումը, լոգիստիկայի և ենթակառուցվածքների զարգացման ապահովումը և շուկայի ընդլայնումը: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Փաշինյան․ ՀՀ-ում կա մի կառավարություն, և այդ կառավարությունը նստած է այս դահլիճում Ըստ նրա, ԼՂ–ից բռնի տեղահանված որոշ շրջանակ կամա թե ակամա անում է քայլեր, որոնք սպառնալիք են ստեղծում ՀՀ անվտանգության համար Շահրամանյանը՝ Le Figaro–ին․ Գիտեի՝ ԼՂՀ-ն «լուծարելու» փաստաթուղթն անօրինական էր, բայց մարդկանց փրկելու միակ միջոցն էր Նա խնդրել է Ֆրանսիային՝ ճնշում գործադրել Ադրբեջանի վրա բոլոր գերիների ազատ արձակման պահանջով Ապրիլի 5-ից տուգանքները 30%-ով նվազեցնելու համակարգը գործելու է Պարտավորությունը կհամարվի ամբողջությամբ կատարված ՀԱՊԿ քարտուղար․ ՀՀ–ն իրոք չի մասնակցում քարտուղարության աշխատանքին, բայց կասեցման դիմում չի ներկայացրել Նա շեշտել է, որ Հայաստանը շարունակում է մնալ ՀԱՊԿ դաշնակիցը և որ բոլոր պարտավորությունները մնում են ուժի մեջ |