Պավել Մանուկյանը՝ ՊՊԾ գրավման մասին. Պետք լինի՝ էլի ենք անելու

Պավել Մանուկյանը՝ ՊՊԾ գրավման մասին. Պետք լինի՝ էլի ենք անելու

PanARMENIAN.Net - Երևանի ընդհանուր իրավասության դատարանում «Սասնա Ծռերի» գործով դատական նիստի ժամանակ մեղադրյալ Պավել Մանուկյանը, անդրադառնալով ՊՊԾ գնդի գրավմանն, ասել է, որ «եթե պետք լինի, էլի են անելու»:

Նրա խոսքով՝ իրենց կողմից առաջարկված բոլոր մեթոդները մերժվել են նախկին ռեժիմի կողմից, հայտնում է Pastinfo.am-ը:

«ՊԲ նախարարի հետ անձամբ եմ խոսել, որ դադարեցնում ենք քաղաքական գործունեությունը, որ պատրաստ ենք աջակցել պետությանը, բայց մերժվել ենք»,-ասել է Պավել Մանուկյանը՝ հավելելով, որ հայրենիքը կորցնելու հարցն էր դրված և իրենք ճիշտ քայլի են դիմել:

Երևանի ընդհանուր իրավասության դատարանի Շենգավիթի նստավայրում մեկնարկել է «Սասնա Ծռերի» գործով դատական նիստը՝ դատավոր Մեսրոպ Մակյանի նախագահությամբ։

«Սասնա Ծռերի» անդամները մեղադրվում են 2016 թ. հուլիսի 17-ին զանգվածային անկարգություններ կազմակերպելու նախապատրաստության, ծանրացուցիչ հանգամանքներում սպանությունների, շենքեր, շինություններ, տրանսպորտի միջոցներ զավթելու, պատանդ վերցնելու եւ պահելու, ապօրինի կերպով հրազեն, ռազմամթերք ձեռք բերելու, պահելու, փոխադրելու, զենք, ռազմամթերք հափշտակելու, ուրիշի գույքը գաղտնի հափշտակելու եւ դիտավորությամբ ոչնչացնելու մեջ։

Զինված հարձակման հետևանքով զոհվեցին գնդապետ Արթուր Վանոյանը, լեյտենանտ Յուրի Տեփանոսյանն ու ավագ ենթասպա Գագիկ Մկրտչյանը։ Պատանդ վերցված ոստիկանների թվում էին այն ժամանակվա Երևանի փոխոստիկանապետ Վալերի Օսիպյանը և ՀՀ փոխոստիկանապետ Վարդան Եղիազարյանը։

ՊՊԾ գունդը զավթելու եւ նշված այլ արարաքները կատարելու մեջ մեղադրվում է 32 անձ:

 Ուշագրավ
Նրանք իրենց անվտանգ են զգում իրենց երկրների փողոցներում գիշերային ժամերին
Տոնոյանը նաև նշել է, որ արդիականացվում է նաև 102-րդ ռուսական ռազմակայանը
Փոխքաղաքապետը խորհրդակցել է քաղաքապետ Հայկ Մարությանի հետ
ԱՄՆ-ում ՀՀ դիվանագիտական ներկայացուցչություններ ակտիվորեն աշխատում են ամերիկյան CBS-ով հեռարձակվող Seal Team հեռոատասերիալի հոկտեմբերի 17-ին եթեր հեռարձակված դրվագի առնչությամբ: