«Իմ քայլի» պատգամավոր. Հոմոսեքսուալիզմից վախը լատենտ գեյերի մոտ է արտահայտված

«Իմ քայլի» պատգամավոր. Հոմոսեքսուալիզմից վախը լատենտ գեյերի մոտ է արտահայտված

PanARMENIAN.Net - Զիգմունդ Ֆրոյդն ասել է, որ միասեռականությունից վախը մեծամասամբ արտահայտված է լատենտ գեյերի մոտ: Այս մասին ԱԺ նիստերի ամբիոնից հայտնել է «Իմ քայլը» խմբակցության պատգամավոր Քրիստինե Պողոսյանը՝ պատասխանելով «Բարգավաճ Հայաստան» խմբակցության պատգամավորների հայտարարություններին:

«Իմ քայլի» պատգամավորը նշել է, թե ընդդիմադիր խմբակցության կողմից քաղաքական կեղծ օրակարգ է որդեգրվում:

«Աշխարհահռչակ հոգեբան, հոգեվերլուծաբան Զիգմունդ Ֆրոյդը, ով կանգնած է հոգեբանության, բժշկագիտության, սոցիոլոգիայի, մարդաբանության հիմունքներում, մի այսպիսի վարկած է առաջ տարել, ուրեմն՝ հոմոֆոբիան և առհասարակ վախը հոմոսեքսուալիզմից և միասեռականությունից, ճնշող մեծամասնության դեպքում, արտահայտված է այսպես վառ այն մարդկանց մոտ, ովքեր լատենտ գեյեր են: Ես չեմ ասել, Զիգմունդ Ֆրոյդն է ասել»,- եզրափակել է պատգամավորը:

Պատասխանելով նաև «Բարգավաճ Հայաստան» խմբակցության պատգամավոր Նաիրա Զոհրաբյանին՝ Պողոսյանը նշել է, թե բնավորության վատ գիծ ունի՝ լավ հիշողությունը և շատ լավ հիշում է, թե ով, ինչ ճանապարհ է անցել: «Քաղաքականացված եմ 17 տարեկանից`գիտակից կայքնիս վերջին 20 տարին: Ես արտակարգ հիշում եմ՝ ով ինչ ճանապարհ է անցել, ուր է անցել, ինչպես և ինչի համար,- ասել է պատգամաորը՝ հավելելով,-այս ամբիոնից որ դուք մատ եք թափ տալիս, թե ով՝ ինչ և ում կարող է հիշեցնել, խնդրում եմ՝ ապրեք, անցեք ձեր քաղաքական կյանքն այնպես, որ այստեղ նստած չամաչեք, որ ինչ-որ մեկը քաղաքական հետագծի մասին ձեզ հիշեցնում է»:

Պողոսյանն անդրադարձել է նաև Լուսավոր Հայաստան խմբակցության քվեարկություններին՝ ասելով, թե լիբերալ կուսակցության քվեարկությունն իր մոտ կոգնիտիվ դիսոնանս է առաջացրել:

Նոյեմբերի 12-ին ԱԺ ԲՀԿ խմբակցության պատգամավոր Գևորգ Պետրոսյանն օրենքի նախագիծ էր առաջարկում, որով կարգելվի«նույնասեռականների և սեռափոխված անձանց» կողմից երեխա որդեգրելը: Օրենքի նախագիծը չընդունվեց,ՀՀ օրենսդրությունն արդեն նման արգելք սահմանում է:

 Ուշագրավ
ՀՀԿ գործունեությունը միտված է բացառապես ազգային և պետական շահի պաշտպանությանը
Դեկտեմբերի 4-ին կհանդիպեն Հայաստանի և Ադրբեջանի արտաքին գործերի նախարար Զոհրաբ Մնացականյանը և Էլմար Մամեդյարովը:
Նա նշել է, որ ՌԴ-ն ՀՀ-ին դիտարկում է որպես դաշնակից և հարձակման ժամանակ կգործարկվեն ՀԱՊԿ-ով նախատեսված մեխանիզմները