Շահեն Հարությունյանը ոստիկանության բաժնում բացատրություն է տալիս Գրիբոյեդովի արձանը ներկելու համար 3 դեկտեմբերի 2019 - 11:48 AMT PanARMENIAN.Net - Երևանի Օղակաձև այգում ռուս գրող, դիվանագետ Ալեքսանդր Գրիբոյեդովի արձանի վրա ներկ լցնելու համար ակտիվիստ Շահեն Հարությունյանը հրավիրվել է ոստիկանություն՝ բացատրություն տալու: Այս մասին PanARMENIAN.Net ի հարցին ի պատասխան՝ հայտնեց ոստիկանության մամուլի ծառայության պետ Զարզանդ Գաբրիելյանը: «Այս պահին Շահեն Հարությունյանը ոստիկանության Կենտրոնական բաժնում է, հրավիրվել է՝ կատարվածի վերաբերյալ բացատրություն տալու»,- նշեց նա՝ հավելելով, որ ավելի ուշ կտրվեն լրացուցիչ մանրամասներ: Դեկտեմբերի 2-ին Շահեն Հարությունյանը ֆեյսբուքյան իր էջում հրապարակում էր արել ու տեղեկացրել, որ ներկ է լցրել Գրիբոյեդովի արձանի վրա: «Կարմիրով ներկել եմ Ռուսական կայսրության դեսպան, գրող Գրիբոյեդովի արձանը՝ ի պատասխան Նժդեհի հուշատախտակի ներկմանը»,- հայտնել էր նա: Ավելի ուշ ոստիկանությունից մեզ ասել էին, որ հրապարակման հիման վրա ոստիկանությունում նյութեր են նախապատրաստվում: Ավելի վաղ ՌԴ Կրասնոդարի մարզի Արմավիր քաղաքի հայկական եկեղեցու բակում տեղադրված՝ Գարեգին Նժդեհի հուշատախտակը ապամոնտաժվել էր: Դրանից առաջ այդ նույն հուշատախտակի վրա ներկ էր լցրել Արմավիրի Քաղաքային դումայի պատգամավոր Ալեքսեյ Վինոգրադովը: Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | Սենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր Հյուրերը շրջել են նաև Հայոց ցեղասպանության թանգարանում Թրյուդո․ Պետք է հիշենք և հարգենք Հայոց ցեղասպանության զոհերի հիշատակը Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիս Թուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբ Սերժ Սարգսյանը՝ ընդդիմության անհաջողության մասին․ Կան ոչ միասնական մոտեցումներ Նա նշել է նաև, որ կա արտաքին սատարում այս իշխանություններին |