Կարապետյան. Ծառուկյանի միջնորդությամբ ներդրումային առաջարկի փաստաթուղթ քաղաքապետին չի ներկայացվել 3 դեկտեմբերի 2019 - 15:46 AMT PanARMENIAN.Net - «Բարգավաճ Հայաստան» կուսակցության ղեկավար Գագիկ Ծառուկյանի միջնորդությամբ Երևանի քաղաքապետ Հայկ Մարությանի հետ հանդիպած մեծահարուստները ներդրումային որևէ առաջարկ փաստաթղթային տարբերակով չեն ներկայացրել:Այդ մասին ասել է քաղաքապետի մամուլի քարտուղար Հակոբ Կարապետյանը՝ պարզաբանելով «Բարգավաճ Հայաստան» կուսակցության առաջնորդի հայտարարությունը «հիասթափված ներդրողների մասին», հայտնում է «Հայկական ժամանակը»: Ավելի վաղ Գագիկ Ծառուկյանը հայտարարել էր, որ Աբու Դաբիի թագաժառանգը և Արաբական Միացյալ Էմիրությունների «Ռոտանա» հյուրանոցային ցանցի սեփականատերը ցանկություն են հայտնել ներդրումներ անել Հայաստանում, նրանք անձամբ հանդիպել են Երևանի քաղաքապետ Հայկ Մարությանի և գլխավոր ճարտարապետ Արթուր Մեսչյանի հետ: Նպատակ են ունեցել Երևանում կարիքավոր անձանց անվճար սպասարկող հիվանդանոց կառուցել, ինչպես նաև երկու հյուրանոց:«Հանդիպումը տևել է ընդամենը կես ժամ, և մարդիկ հիասթափված դուրս են եկել ու իրենց ներդրումների մասին մոռացել են, ժամանակավոր սառեցրել են»,- նշել է Ծառուկյանը: «Ես գիտեմ, որ պարոն Գագիկ Ծառուկյանի առաջարկով քաղաքապետի աշխատասենյակում ամիսներ առաջ տեղի է ունեցել հանդիպում: Նման կարգի հանդիպումներ տարբեր պոտենցիալ ներդրողների կամ հետաքրքրված անձանց հետ տեղի են ունենում, և անկախ նրանից, թե ով է հանդիպման մասնակիցը (ամենայն հարգանքով) և անկախ նրանից, թե ինչպիսի տիտղոս է կրում կամ ինչպիսի ծագումնաբանություն ունի, քաղաքապետարանը ու մասնավորապես քաղաքապետը վերաբերվում է ՀՀ օրենսդրությանը և Երևանի զարգացման պատկերացումներին համապատասխան»,-ասել է Կարապետյանը: Նա մեկ անգամ ևս հավելել է, որ որևէ կոնկրետ, գործնական, փաստաթղթավորված առաջարկ, նախագիծ քաղաքապետարանը չի ստացվել: «Խոսվում է ինչ-որ հիասթափությունների մասին: Ես չեմ ուզում մտնել որևէ մեկի էմոցիոնալ աշխարհի մեջ և գնահատել նրա զգացմունքները, համենայնդեպս, եթե մարդիկ լուրջ են տրամադրված և իսկապես մտադիր են ներդրումներ անել ու կառուցապատում իրականացնել Երևան քաղաքում, նրանք որևէ խոչընդոտ չեն կարող ունենալ: Նրանց գործողություններ կարող են սահմանափակվել միայն և բացառապես ՀՀ օրենդրությամբ: Այնպես որ, ես էմոցիոնալ զեղումները այստեղ տեղին չեմ համարում: Տասնյակ և հարյուրավոր կառուցապատողներ հյուրանոց կառուցողներ, բնակելի, ֆունկցիոնալ շինարարություն կատարող մարդիկ շատ նորմալ, գործնական հարաբերությունների մեջ են Երևանի քաղաքապետարանի հետ: Եվ նրանց կարող է միանալ ցանկացած ոք՝ լինի դա Արաբական Միացյալ Էմիրություններից, Հայաստանի Հանրապետությունից, ցանկացած ծագման, կրոնի, աշխարհընկալման տեր մարդ»,-ասել է խոսնակը: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Կիրակոսյանը՝ Հաագայում․ ՄԱԿ ԱԽ-ն ու Եվրոպական դատարանը երբևէ չեն վճռել, որ ՀՀ-ն օկուպացրել է ԼՂ-ն Նա ներկայացրել է առարկություններն Ադրբեջանի ներկայացրած պահանջների նկատմամբ Ապրիլի 28–ին մայրաքաղաքում փակ փողոցներ կլինեն․ «Երևանի մարաթոնն» է Նախատեսվում է, որ միջոցառմանը կմասնակցի մոտ 2000 վազորդ Հայաստան-Չեխիա ռազմատեխնիկական գործակցության մասով պայմանավորվածություններ կան ՊՆ էին այցելել չեխական ռազմարդյունաբերական ընկերությունների ներկայացուցիչներ Ըստ ԱԺԲ–ի՝ իրենց անդամներին բռնության են ենթարկել․ 96 բերման ենթարկված կա Նա ասել է, որ որ ոստիկանության բաժանմունքներում իրենց անդամները «ծեծի են ենթարկվել», կան տուժածներ |