Կարապետյանը՝ Ծառուկյանի հյուրանոցի շինարարության մասին. «Շուստրի» տղայի պես փորձել են շրջանցել օրենքը

Կարապետյանը՝ Ծառուկյանի հյուրանոցի շինարարության մասին. «Շուստրի» տղայի պես փորձել են շրջանցել օրենքը

PanARMENIAN.Net - Երևանի քաղաքապետ Հայկ Մարությանը «Բարգավաճ Հայաստան» կուսակցության ղեկավար Գագիկ Ծառուկյանին շինթույլտվություն չի տվել։ Այս մասին ճեպազրույցի ընթացքում ասել է Երևանի քաղաքապետարանի մամուլի խոսնակ Հակոբ Կարապետյանը:

Դեկտեմբերի 3-ին Մարությանն ասել էր, որ Ծառուկյանն ապօրինի, առանց շինթույլտվության շինարարություն է իրականցրել Աբովյան փողոցում: Ի պատասխան այս հայտարարության՝ «Բարգավաճ Հայաստան» խմբակցության ղեկավար Գագիկ Ծառուկյանն ասել էր, որ Մարությանն իրեն թույլտվություն է տվել է՝ ներկայացնելով որոշ թղթեր:

«Խոսում ենք երկու փաստաթղթի մասին՝ նախագծման թույլտվությունը և շինարարական թույլտվությունը։ Նախագծի թույլտվությունը ստանալուց հետո կառուցապատողը կրկին դիմում է համայնքին՝ շինթույլտվություն ստանալու համար, որից հետո միայն կարող է սկսել շինարարական աշխատանքները»,- մանրամասնել է Կարապետյանը։

Խոսնակն անդրադարձել է նաև Ծառուկյանի այն հակադարձմանը, թե շինթույլտվությունը տվել է ոչ թե Մարությանը, այլ Նարեկ Սարգսյանը։

«Շինթույլտվություն տալիս է միայն համայնքի ղեկավարը, մենք Նարեկ Սարգսյան անունով քաղաքապետ չենք ունեցել։ Մենք ունեցել ենք Տարոն Մարգարյան քաղաքապետ, որը 2018թ. փետրվարի 16-ին տվել է շինթույլտվություն»,– ասել է Կարապետյանը՝ հավելելով, որ դրանից 3 օր անց Վարչական դատարանը վարույթ է ընդունել հարևան շինության սեփականատիրոջ բողոքը:

Կարապետյանի խոսքով՝ այդ բողոքը վարույթ ընդունելուց հետո Ծառուկյանի շինթույլտվությունը կասեցվել է.

«Բայց մեր հարգարժան կառուցապատողները, ինչպես ցանկացած շուստրի տղա, փորձելով շրջանցել օրենքը՝ այդտեղ իրականացրել է կառուցապատում»,-ասել է քաղաքապետի խոսնակը: Կարապետյանը նշել է, որ կառուցապատողը մի քանի անգամ տուգանվել, ինչից հետո գործն ուղարկվել է իրավապահ մարմիններին։

Կարապետյանը նշել է, որ 2019-ի ապրիլին Մարությանը որոշակի փոփոխություններով «Մուլտի Գրուպին» տվել է երկրորդ նախագծման թույլտվություն, սակայն շինթույլտվության դիմում, ըստ Կարապետյանի, քաղաքապետարանը չի ստացել։

Կարդացեք նաև՝Ծառուկյան-Մարության հերթական «ռաունդի» մասին

 Ուշագրավ
ՀՀԿ գործունեությունը միտված է բացառապես ազգային և պետական շահի պաշտպանությանը
Դեկտեմբերի 4-ին կհանդիպեն Հայաստանի և Ադրբեջանի արտաքին գործերի նախարար Զոհրաբ Մնացականյանը և Էլմար Մամեդյարովը:
Նա նշել է, որ ՌԴ-ն ՀՀ-ին դիտարկում է որպես դաշնակից և հարձակման ժամանակ կգործարկվեն ՀԱՊԿ-ով նախատեսված մեխանիզմները